[عســآف]

[align=center](( الأميره ))[/align]


[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أفزّ ياهاجسي وارقى على قافي = وآسير في جرهد ٍ قفرى مفاليها
اللين تارد حروفي عّدها الصافي = وأروي كبود العطش لآحل طاريها
هذيك والا بقايآ الغيد تنعافي = محد ٍ يساوي الاميره مع جواريها
يعني كذا .. لو جمعنا كل الاوصافي = ما ظنتي بالعذارى من يساويها
اللي لها فوق عرش القلب مشرافي = تربعت بالغلا سبحان معطيها
وطيت جمر الغضى لعيونها حافي = حتى اشتعل خافقي جمر ٍ يدفيها
تذوب كلمة هلا في صوتها الدافي = وآذوب مليون مره في حكاويها
لبى عروق الشرف في قلبها الوافي = ولبى غرام ٍ تعلق في محانيها
اسهر على شانها وآبيّح الخافي = وانظم قصيدي من الألماس واهديها
ما همني واحد ٍ يرمي ورى اكتافي = ينقل هروجه ولا يعرف تواليها
اللي على صوت غيره ينبح خلافي = القافله سايره والنبح قافيها
شاعر ولي بالبحر زورق ومجدافي = يوم ان بعض العرب تفخر باساميها
اسمي على قول ونعم باول اهدافي = آروم للطيبه واسعى لراعيها
من روس لابه لها جوله وميقافي = تاريخها والزمن يشهد لماضيها
والكلمه الهافيه لاجت من الهافي = تروح والا تجي ما نلتفت فيها[/poem]



[align=center]عســآف[/align]