[صالح بن فارس]

بسم الله الرحمن الرحيم


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=1 align=center use=ex num="0,#400000"]
سكوتك حكي واعيونك تفضفض قبل ما تحكين= وحرّ الشوق بعيونك ولا يطريك تحكينه
واْنا اْتحرا تبوحي به قبل لا تفضحه عينين = إذا ما كان لعيوني تبوحي من هو إلـ عينه ؟
تعالي واتركي عنك الوساوس واْقبلي أهلين = هلا بك عد ما جن الهوا باعقل محبينه
هلا باللي بتروينه ما دامه سر بين اثنين = ودامه سر بين اثنين وش يمنعك تروينه ؟!
اذا كان الخجل يردعك عن ذكر العتب واللين = وش اللي باقي ٍ عني على بالك تخبينه !
وإذا ما تنطقين اللي تجاهي تشعرين الحين = متى قصدك تقولينه إذا ما كان في حينه ؟
ولو حطيتي افبالك بان كل شي بوقته زين = فما اظن الندم في يوم يطعنك ابسكاكينه
ترددتي تقولي لي ويا شين التردد شين = يهز أقوى ثقه بالحب ويخل ابموازينه
أنا ما همني تدرين لو ما همك ان تدرين = إذا ما تعرفي قدرك بقلبي صعب تنفينه
ولكن التردد فيك ما ادري كيف جا من وين = وانا خبري بك ان به شي في نفسك تبدّينه
ولا اْخبر بيني وبينك حرج من كل ما تبدين = تقولي ما على بالك وتحكي زينه وشينه
أنا لي بس رجا واحد إذا لي خاطر ٍ تكفين = مجرد تشعري باحساس صوبي لا توزينه
ترا هو دين لي عندك إذا ودك تردي الدين = ومن ينوي يرد الدين إلا ربي ايعينه
عطيني لو تبين اعتاب دامك قادره تعطين = وتدرين العتب مرفوع عن جملة محبينه
وإذا به شي في نفسك نويتي عني اتخبين = ترا ماني أبد مسئول عن ما راح تجنينه
أنا ما عاد راح اطلبك شيّن شايفه بالعين = إذا ما راح تحكينه فـ انا ما اطلبك تحكينه [/poem]



[img][/img]

جريدة الحياة ليوم السبت 22/11/2008م