[*صمت الجروح*]

البارح كان فيه لقاء مع يوسف خميس في قناة العالمي وادراه الاستاذ المميز شجاع القحطاني واللي ما شاف اللقاء هذا ابرز ما جاء فيه :

قصة تسجيل سعد الحارثي

يقول ابو سعد " حضرت للنادي المغرب علشان اشوف التمارين بس تمارين الفريق الاول كانت بعد العشاء فقلت فرصه اروح لتمارين شباب النادي في الملعب الثاني ... فلما جيت الملعب لقيت فريق الناشئين يتمرن والاداري عبدالله الهويشل فشفت سعد معهم فسألت الهويشل وش السالفة ؟؟ قال له اسبوعين يتمرن بس ما فيه فلوس علشان نسجله وان كان طالب 20 الف والحين يوم تأخرنا طلب 30 الف ... يقول ابو سعد فدقيت على الامير منصور وردوا سنترال القصر وطلب الامير فكلمته وقلته له السالفة ان فيه لاعب مميز ونحتاج فلوس قال الامير منصور انت شايفه ؟؟ قلت ايه وتوي طالع من النادي قال تعال استلم الفلوس .. قلت لا ابجيب اسم والد اللاعب علشان تكتب الشيك باسمه ... فاتصلت بعبدالله الهويشل واخذت اسم والد اللاعب وكلمت الامير مره ثانية وعطيته اسم اللاعب فقال خلاص ابحط الشيك عند السنترال رح خذه منهم ؟؟ فكلمت الهويشل وقلته يروح ياخذ الشيك من سنترال قصر الامير ودقت عليهم وخبرتهم ان الهويشل جاي ومن بكره من صباح الله خير وهو واللاعب وابوه موقعين !! "

** يقول يوسف خميس وبعد مدة تعينت في منتخب الشباب وجيت احضر مبارة للنصر وكان الامير منصور حاضر مع الامير فيصل وكان سعد لاعب ومقدم مستوى فقال الامير هذا اللاعب ممتاز ... فقلته ياطويل العمر هذا اللاعب اللي انت دفعت فلوسه يوم تحط الشيك عند سنترال قصرك ...

** يقول يوسف خميس ان والد الحارثي كان مهتم جدا يتحصيله العلمي وكان يطالب بتوفير مدرسين خصوصين في المواد اللي ضعيف فيها وشدد يوسف خميس على اهمية تعليم اللاعب وان اللاعب المتعلم اكثر تقبل للتعليمات وتفهم للخطط والتكتيك .. !!

** يقول يوسف خميس انه في عهد فيصل بن سعد تم تسجيل كل من فهد الرشيدي مقابل 3 آلاف ريال وشايع شراحيلي مقابل 3 آلاف ريال وغيرهم من الاعبين بدعم من الامير محمد بن عبدالله اللي قدم 100 الف ريال .... !!

** يقول يوسف خميس ان اللاعب سلمان البقمي اللي سجل هدف الفوز قدام الاهلي سجل تبع اخوه الصغير الموهوب ريان البقمي لانه لم يكن مقنع بالرغم انه يملك بنية جسمانية ... يقول ان ابوه خالد بخيت قال سجلوهم اثنينهم بـ 15 الف ريال علشان ازودها انا 10 آلاف ريال واشتري لهم سياره ويسوق باخوه ويحضرون مع بعض للنادي ويروح ويجون مع بعض وبالفعل وتحسن مستوى سلمان باعتبار انه كان يلعب اساسي من يوم كان في الناشئين !!

** يقول يوسف خميس ان العمل في البراعم في نادي النصر فوضى !! وطالب بترك البهرجة والاسماء عند انشاء الاكاديمية فاكاديمية الهلال كانت بهرجه وفي العليا وانتهت فالامر يحتاج الى ميزاينات ودراسات وليس بهرجة !! وقال الارض اللي جنب النادي تسور وتنشأ ملاعب مناسبة للصغار البراعم !! وقال انهم في النصر يلعبون البراعم بكوره اكبر من اللاعب مقاس خمسه وقال ان كوره البراعم لازم تكون مقاس اثنين ويكون حجم الملعب صغير ....

** ذكر يوسف خميس دور الامير عبدالرحمن بن سعود رحمه الكبير في الاعداد النفسي للفريق وذكر انهم في مباره قدام الاهلي وبين الشوطين جمعهم وقالهم " انهم لم يقدموا المستوى " ... يقول فيه واحد من اللاعبين قال وش يبينا نسوى ذا اكثر !! (( ( ما يدري ان بعض الثقة الزايدة تهدم االعمل )))

** ذكر يوسف خميس انه فيه مباره قدام فريق الرياض وفي بدايه المباره تقدموا على النصر بهدفين فبسرعه قام المدرب الداهية " جويل سانتانا " بتغيير التكتيك وهو الضغط على الخصم في ملعبه وعدم السماح له ببناء الهجمات وانتهى الشوط الاول 3 -2 للنصر وكانت المحصلة النهائية خمس اهداف نصراوية مقابل هدفين ....

** ذكر يوسف خميس ان فريق 1409 قام على ما تبقى من نجوم امثال ماجد وسالم مروان وناصر المرشد ويوسف خميس اما الاقي فقد صعودووا من النادي امثال الهريفي اللي تم جلبه من بيشه والمطلق اللي تم جلبه للنادي وكذلك محيسن الجمعان ومساعد الطرير .....


** يوسف خميس ذكر انهم في عام 1409 كانوا يتدربون يوميا على الكرات العرضية والركنيات بعد التمرين .... ((( تصوروا ماجد ويوسف ومحيسن والهريفي وغيرهم من النجوم كانوا يتدربون على الركنيات والعرضيات بعد التمارين بينما الحين لاعبينا ابو 20 سنه يالله يتمرن ))) ... وذكر ان اللاعبين حاليا ليس عندهم طموح لتقديم المستويات والابداع مقابل الاموال التي يحصلون عليها ....

** قال ان مشكلة النصر حاليا الضعف الشديد في منطقة الوسط ويجب جلب لاعب وسط كبير وقائد ومميز لكي يتعلم منه اللاعبون اللي حوله ...

** قال ان رزاق لم ياخذ فرصته ولكنه لم يقدم العلامات التي توحي على امتلاكه للامكانيات مثل استلام الكره والتسليم والانطلاق والتمركز ... وشدد على ان كنترول رزاق ضعيف على الكوره !!!

** استغرب اصرار رادان على اشارك المدخلي والبحري في الظهير !!

** قال ان المطيري مشعل يملك الامكانيات الفنية والبدنية ولكنه لم يجد الاحتواء والاعداد المناسب منذ صعوده الموسم الماضي !!

** قال ان ريان بلال لم يعد بشكل مناسب وهذا سبب اصاباته المتكرره !!

** قال قصة تحول ولده سعد من تشجيع الهلال الى النصر وباختصار ان ولد بالمدرسه جلد سعد علشانه يشجع الهلال وبعد فوز النصر في بطوله فيصل وفوز النصر على الريال يقول يوسف اخذت ولدي للنادي وخليته يشوف صوري وانا كابتن للنصر وقاله لازم تصير مثل ابوك كابتن للنصر فاصبح ولده نصراوي وترك الهلهله !!

هذا اللي قدرت اجمعه واذكره وبالتوفيق للنصر في الخليجية


منقول