[عبدالرحمن العمري]

[align=center]بسم الله وحدهـ
بعد غياب .. و الله تمنيت تكوٍن صوتيّه القصيدهـ !!
القصيده مهيب جديدهـ .. لكن .. حصريّه .. لـ ربعي .. [/align]
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
حيّ الديار من (الخوانق للجنِش للرونه)=(حواز و النثلـه) بها قلبي شغوف ٍ عاده
خذ علمها ياهل ترى علمي بها يروونه=واوقف تحت ظلّ (المصِيده بالسمير) و ناده
ينبيك عمّن يحتجي و الاّ عن المزيونه= ينبيك عن وقت ٍ مضى يوم النوايا ساده
من لآ يحنّ لداره اشهد له بصدق جنونه=و الله يا لولآ الوطن محدن يشدّ شداده
للدار في سودا صميم البار مثل الغونه = شيّ ٍ يشدّ الرجل لين يطرّفه لبلآده
وااقلبي اللي صابه الوقت و سرى بطعونه= يوم الردي نيّب يدين ٍ قدّمت له زاده
كني بنيران الخوارج ولّعت غليونه = لين استوى يعقِد لهم طلسم على سجاده
لآ و الذي علق حشا عبده بعال غصونه= ما هزّنا هرج السفيه منَ الخدم للساده
يا ذا الوطن وانت الكريم و كفك الميمونه= ما عاش من سامَك برخص و عشت من عواده
فرحك لنا فرْح ٍ و فيك ارواحنا مرهونه=نطرب على طاريه و نزفّ الولآ للقاده
يا خادم البيت العتيق و من لجا بركونه=حيّيت في قلب ٍ ضلوعه بالغلآ وقاده
من خاطر ٍ ما قد مشى عرضى و لآ يغوونه=خلقه من الخلآق حبّك ما عليه زياده
إني لمِن قوم ٍ ليا قيل الوغى مزبونه=شعث ٍ لهم قطع اليدين اليا تعدّت عاده
(زهران) و الدنيا تميل و تعتدِل مفتونه=بيض الوجيه اهل الجنابي محتمين الغاده
في ذا الشنب ياا سيّدي إنا لنوقف دونه= حتى نردّ المعتدي و رقابنا سدّاده
أمس ٍ لنا و اليوم حنا له و لآ بنخونه = في موقف ٍ حلّ الرباط اهون على عقاده
حق ٍ علينا يا نعيش محشّمين عيونه = و الاّ نموت و لآ يموت الاّ الشجاع فواده
نهوي لعزّته و نفزّ متوننا لمتونه=نحمي ثراه و من طرى له نهبة ٍ نقتاده
يبقى وسط عين العدو شوكة شقى مسنونه=و الاّ بعين اللي يوده حِلية ٍ و قلآده
ماضيه تاريخ ٍ لو انّ المرجفه يقرونه= ما مدّو السيف لهل السيف و سلم غمّاده
مهد الرساله و ارضها و رحالها بظعونه = عهد البساله و السطى و المصطفى و جهاده
نور ٍ على نور الهدى بآيمانهم يضوونه=ما ينطفي لين الوعَد يآتي على ميعاده
من غابر الدنيا و ربّي كافله و يصونه= عمّا يشين و ما يهين و لآ يعين آضداده
يا سيّدي (إني أرى فيما أرى) قانونه = باق ٍ على مرّ السنين و لو كره حسّاده
يا جعلهم يظمون مآه و لآ لهم يردونه= من لآ يرد مثل الرجال نبرّكه بقياده
يا سيّدي (لولآ نرى بُخلاً بـ حبْس) مزونه= كان إحتميناها لنا بالشــمّـخ من اوتاده
لكنّ خيره عمّنا قبل البشر يلقونـه= و الطيب يحسب للوطن يوم العِدا نقاده
خير ٍ يجينا مشرق ٍ يغرب و فوقه مونه=و الطيب للطيّب نرده عادة ٍ و عباده
سرنا على نهج النبي تفصيله و مضمونه = لآ نبتغي حِوَلاً إلى من بدّله و الحاده
في ذمّتي ما نخذلَه وإنا لنوقف دونه= حتى نردّ المعتدي و رقابنا سدّاده
[/poem]
[align=center]* الخوانق و الجنش و الرونه / مناطق تضمّ بعض القُرى .
* حوّاز (قريتي) النثله (محلاّتنا) على قول أهل الديرهـ بيتنا و بلآدنا .
* المصيدهـ بـ (فتح الميم و كسر الصاد و سكون الياء) قمّة جبل السمير اللي كنا فيه (شاة الحمى) من كلّ من يرعى به .
* الغونـه نوع من أنواع ربط الحبال تكون مُحكمه و قويه . نيّب يعني عضّ و ترك أثر أنيابه.[/align]