[الهمس]

[poem=font="Simplified Arabic,4,#6700FF,normal,normal" bkcolor="" bkimage="" border="none,6,#400000" type=2 line=0 align=center use=ex num="0,#400000"]
قولوا لها اني من الفرقا تعب حالي=والروح من بعدها تنزف من الكيه
والقلب ينزف وهـو للهم شيالـي=والوقت يمضي وهو باقي على غيه
على الحزن سرت متمكن وخيالي=ارقى على صهوته والسوط بيديـه
اليل يا مطوله والصبـح متعالـي=والعين تسهر وترقب كل فجريـه
الفكر لو جيت بانسى عاد طوالـي=يذكرليالي مضت واحلام ورديـه
يذكر عيونٍ رمت بالسهـم قتالـي=وصابت والقلب واتعلق بحوريـه
انا قتيل العيون الي علـى بالـي=والي قتله الهوى من وين له ديـه
وثغرها من بريق الماسه ايلالـي=جسم المها شارده والشعر هنديـه
اذكر هوانا وانا في حبهـا سالـي=ياحي وقتٍ جمـع قلبيـن ياحيـه
اهيم فيها وهـي داري ومنزالـي=احلم متى نجتمع واستعجل الجيـه
اثر المسافه بعيده والأمـل فالـي=هي تسكن الشام وانـا بالسعوديـه
[/poem]