[شذى الريحان]

ياالمحب
وانا اقراء الاسماء اللي حطيتها في بداية العرض صرت اتفل على يساري واسمي بالرحمن
قلت لايكونوا من جماعة شبردح والله اسماء وربي اهلها ضحايا ياعيني عليهم مافي غير يسمعوا تريقة
من فلان وعلان
في اسماء والقاب شي عجب
كان عندنا زميلة من بيت (اللحظة) راحت المستشفى قالت اسمها بالكامل ف س م لحظة
الموظف يقولها يلا قولي لقبك وهيا تقولوا لحظة والرجاال مستني لحظات في النهاية عصب عليها قالها ماتعرفي لقبك
كل شوية لحظة لحظة قالت لقبي لحظة يعني انا من بيت اللحظة
كركركر ياقلبي عليها
&&
وموقف تاني صار لاختي تقول الموظف يسالني اسئلة ومعلومات عنها وكل ما يسالها يعطس ويقول الحمدلله
وكل شوية يعطس ويعطس لحد ما عيونه كانت تبغا تخرج من حقها وخشمه راح زي الفراولة
وهيا مافي غير تردد ياصبر ايوب
ماصدقت يخلص معاملتها اخذت الورقة لقيت اسم الموظف وكان لقبه((العطاس))قالت ااااااه هنا السر
فعلا بيت العطاس عائلة كبيرة في الغربية وبيت اللحظة وبيت البنجر زي ما ذكرته
وفي بيت الدندرمة وكمان بيت الاصقه وبامويه
واوووووه لو نذكرهم نجلس لبكرة