[شذى الريحان]

قبل ماتقروا الموضوع جيبوا حولكم اولادكم ولا اخوانكم حكاية للاطفال تغرس فيهم حب الناس



كان ياماكان

في قديم الزمان

قبل حتى ما ينخلق الانسان

كانت الحيوانات عايشه وحدها في امان

قبل ما يبنوا البشر المدن ويحبسوهم ويشردوهم في كل مكان






اقلكم بس اسمعوني وشفوني يابزوره ويا اهلهم كمان وفتحو ادانيكم قد الفنجان

كانت البسس والكلاب مبسوطين سوا وماكانو زي دي الايام بينهم عداوه

وكانو يعيشو سوا في وحده حاره



الكل يسال عن جاروا وعلاقتهم مع بعض زي العسل والحلاوه

طيب ايش الي حصل ديكا الايام يستاهل نقول عنو دي الحكايه ؟










حصلت هدي الحكايه في وحده من الحواري

الي كانو سكانها ما يفرقو بين كلاب العوائل



وكلاب المجاري



ولا يفرقو بين البسس المحترمه



وبساس جات من اسواء الحوراي



كانت عايشه في دي الحاره بسه اسمها سالي :a71:

كانت سالي من احلا البسس وكانت حلم كل الكلاب والعراري



هيا بس لو تمشي في الشارع تلفت انظار الكل

وتخلي الواحد غصبن عنو يسيب شغلو ويبحلق فيها وينهبل ويطل



وكتير حاولو الشباب يترجوها يتقربو منها باحلا الهدايه و وزهور الفل وهيا مافي غير طناش وتطنيش



بس سالي كانت مغروره من طبقه مره هااي وأي احد ما يعجبها توري الويل والذل















وفي يوم من الايام سكن في الحاره كلب اسمو فيليب

كان مره كول وكشخه وحليوه بس اخلاقو زي الطين كان يحرشها ويقولها انتي لازم تعطيني وكالة امشي مشاريعك واشغالك
وكان راسم ومخطط على شي تاني يبغا يكوش على اللي وراها وقدامها وهي زي الهبلة مسكتوا امورها وفلوسها
واعطته الوكالة وخلاها تحلم بالفلوس والملايين
اتغيرت اخلاقها صارت شريرة تقولوا انها بنت عفاريت مافي غير تعذيب في الخدم والسواقين وضرب وتجريح






كانت تكرونيتها هههه اقصد خدامتها والبيبي ستر حقتها واللي ربتها على ايدها تنصحها وتحذرها
كانت تنفخ في وجهها وتوبخها نسيت معروفها وانها في منزلة امها بس الفلوس تغير النفوس
وكل ماتزيد فلوسها تتنمرد وتتكبر
كان عندها اخوين واحد في بيته مستور والثاني الصغير اللي تعزه راح يتدرب في الجيش
كانت داداتها تذكرها باخوها الصغير تقولها لازم تصلحي اخلاقك مع الخدم لايروح ربي يوريكي وينتقم في اخوكي اخرالعنقود السكر المعقود وعلشان تحنن قلبها اكتر خلتها تشوف صورته وهو ياعيني عليه يكرف



اتجاهلت كل الكلام كان عندها خدم نفسهم مكسورة ومدبوحين يحاولوا يرضوها لكن مافي غير ضرب وتعذيب وتجريح

كانت ماترحمهم تكرفهم الليل والنهار طلبات واوامر لدرجة ممكن الخدامة تنام على المكنسة من شدة الارهاق
وتكون لطيفة وماتستاهل لكن لقمة العيش ياعيني عليها



واحيانا تضربهم الله يكرمكم بالمداس





كانت بسة هانم تسهر على التلفزيون ولا تتجمع هيا وزميلاتها على اعذب الالحان






وكانت المفترية تاكل هيا وزميلاتها وتخلي الخدم من غير اكل وعلشان تزيدهم تعذيب كانت تخليهم قدامها وهما يطفحوا
كانت نظرات الخدم منكسرة ونفسهم يقطموا بس قطمة ولا لقمة



[size=5]
ونسيت اقول كمان انها المفترية حبست بسها السواق علشان اتاخر في مشوار
ونسيت عنه شهور وايام كان ياقلبي عليه صابر وشايل في قلبه وزعلان مستني الفرج من رب العباد[
/size]

طبعا كل ظالم له يوم والقوي فيه اقوى منه اتفق وكيل اعمالها فيليب مع اشرس المجرمين علشان يلهفوا فلوسها واملاكها


[size=5]
لعبوا في ميزانيتها ولخبطوا الاسهم في السوق وضربوا وفلسوا خلق الله[
/size]

وفي هذه الاوقات سمع اخوها بسوء اخلاقها بالذات مع الخدم وراح لها وقال لها يااختي لازم تتزوجي انا جبت لك عريس
[size=6]
قالت له ومين سعيد الحظ وعريس الغفلة قالها ولد جيراننا ابو جلمبو قالت وي مالقيت غير هذا الدب خليه يخفف وزنه اول وانا ارضى بي طبعا هيا تعرف انه مستحيل ينحف لانه يحب الزبالة اللي عند قصور الافراح لان فيها كبسات ومفطحات
وحواشي[
/size]

بعد كم يوم قرر اصحاب البس المحجوز ينتقموا لصاحبهم وكان اصحابوا من شدة طيبته خليط من بساس وكلاب



وخلوا البس العووري المجرم ابو طاخ وطيخ هو اللي ينفد المهمة ركب سيارته واستنى البسة المغرورة تخرج من بيتها علشان يريح البساس من شرها



]وياعيني عليها جمالها راح هدر لكن لازم من الانتقام وقتلها وماتت في الحال مو بس كدة كان فيه فار مراقب كل شي
نذر نذر لو ماتت يطلع عل جثتها ويقول ميااااااااااااااااااااااااااااااااااو هههههههه اه منه ومن شقاوته العفريت[/size][/color]

وفي هذه الاثناء خرج البس المظلوم من الحجز واعطوه اصحابه ملابس وبيت وسووو جمعية واعطوه هيا قلوبهم على بعض ياعيني وكمان زوجوه احلى البنات اقصد البساس وفرحوا بيه




وعاشوا في تبات ونبات وخلفوا صبيان وبنات





هيا دحين طلعوا الميستفاد من القصة
وسلامتكم وابغا راي الجميع
ياعقيد قييم الحكاية