[مسفر العدواني]

[poem=font="Simplified Arabic,5,#8500FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا (شارع الستين) ليه أنت سهران= خل السهر للي كوى الفقر ثوبه.!

اليوم( تاسع) يوم من شهر( نيسان)= عام (أربع وتسعين) يشكي شحوبه .!

تعال نهدي بحرنا دمعة إنسان=كِن التشرد في حياته عقوبه ..!

جايع..ومتعقّد..و(ظامي) .وطفشان=مذنب ، ويا معبود تغفر ذنوبه..!

في كل يوم يفر شارع على شان= ينسى الهموم ويقبل الهم صوبه .!!

وحيد.. حاله حال واحزانه أحزان=صادق وصدقه واحد(ن)من عيوبه .!!

طيّب يحب (البيك) لا صار جوعان= مقهور.. مابه عشرة(ن) في جيوبه ..!

جاء من جبال اللوز هادي وطفران=كرتون ..واولاد المدن هّبلوا به .!!!!

يحمل بقايا عشق (لينا وعدنان)= غريب واغرب من شروقه غروبه..!

يا سايق (التاكسي )ترى البال زهقان= ذكرّته أيام الشقا في جنوبه.!

ممكن تسمعنا شريط أي فنان=مهموم مثلي تايه(ن)في دروبه .!

يا (مزعل الفرحان) فرّحت زعلان=دوبه وتوّه .. توّ ..توّه ودوبه..

وقّف هنا يا صاحبي صبحنا بان=صبح(ن) تنفّس من رماد العروبه .!

هذا مكاني.. فيه شاهي.. ودخان=وبعض الأسامي ناقشنها بــطوبه.!

صالح..وعبدالله ..وراشد..وجمعان=ذكرى ..قصائد ما تحب الرطوبه..!

سمع وهو مرهق وجايع ونعسان =صوت( القحم يحيى )يقول :انفروا به [/poem]