[جوري]

كنت أظن نجوم السما من نفسها تغيب
.. .. .. وأثر نور الشمس لا أصبحت غطى عليها

وكنت أظن السواد من طول العمر يشيب
.. .. .. وأثر كثر الهموم هي اللي تشيب راعيها

وكنت أظن الليالي بجنحها خوف وتهييب
.. .. .. وأثرها نهار للعشاق من أولها لتاليها

وش بلا المفاهيم اليوم من غير تعريب
.. .. .. كود التجارب بمرّها لنا تعرّيها

كل القلوب أعياها المرض دون تطبيب
.. .. .. حتى الاطباء حارة تبي من يداويها

والسبايب حباً نشأ وسط تغريب
.. .. .. جنب عن المبادىء وأخلف مساعيها

سريعة هيجة بحوره من أدنى تلسيب
.. .. .. وأرضـه صبخـة عذيـة لاحياة فيها

لو تزرع بها الصبار مات من دونها تأديب
.. .. .. أجل هذي علوم(ن) اليوم نفتخر فيها ؟

بالسنه نحب كثر ايامها تقـريب
.. .. .. ونبيع فيها العزه ونعود نشتريها

وش خلينا معنى بعد ها التخريب
.. .. .. لروح الحياة الجميله ذوق(ن) يوازيها

ترى الحب يا صاح ياطااللواهيب
.. .. .. ويتخطى حـرّه ويعتلى فوق معاليها

الحب يا اللي تجهلونه مايحتمل تدريب
.. .. .. ماريته عجزاً بوصف الاحاسيس يوفيها

الحب كفيف(ن)صاحبه مايرى إلا الطيب
.. .. .. ويدمح الزلات عافياً وحين يداريها

الحب صبراً بالشدايد وبالرخى ترحيب
.. .. .. يجلي كدر العين ويشرب نبع صافيها

الحب عهد(ن) وثيق ما ينقضه ترسيب
.. .. .. عثرات الحبيب بالذاكره لو يجليها

الحب ماهو تفنن بالعتاب والتأنيب
.. .. .. أرتقى منها للصفح الجميل عن باديها

الحب بكفان الاولين تحت الثرى تغييب
.. .. .. قتّال قيس عقب ماهام بالقفار بماضيها

الحب يا الوجد ماهوب لعب وتجريب
.. .. .. مواني راسيه أعّيت طوال الشوارب مراسيها