[الوضاح]

مساكم الله بالخير يالربع ...

وشلونكم ... عساكم طيبين ...

بشرونا عنكم وعن حوالكم ...

من قلب عزيز يحبكم بالحيل ... جاء وفي يده دلال البن والهيل ...

وصلت ومعي لكم شعر جديد ... شعر فيه الجزالة والبيت العنيد ...

-- (( هـــــــــــــــذا بلا أبـــــــــــــــــــــوك يا عقــــــــــــــــاب )) --

اقروها وعطوني رايكم ..

اترككم ويا القصيدة ...


هذي السنه شرّابة البـن غيّـاب
أمـلا دلالـي واتقهـوى لحالـي


ساعات كني سامعٍ دقّ في البـاب
وإليا فتحت الباب وإليـاه خالـي


صدّ وجفا وغياب مجهول الأسباب
بالرخص باعوني وانا كنت غالي


دار الزمن واثره كماقيـل دولاب
طالع ونازل بين ميـل وعدالـي


يبدي القمر بحساب ويغيب بحساب
بيض الليالي بين سـود الليالـي


العام كنا فيـه خـلان واحبـاب
نتقاسم اللقمـه ونـص الريالـي


واليوم صرنا نلتقي مثل الأغراب
ردّ السلام ولانشد كيـف حالـي


ياقلب لاتبدي لهم لـوم وعتـاب
ماله مع الحـيّ المقفّـي مجالـي


لو قلت له هذا بلاأبـوك ياعقـاب
لاحاسبك مكسـب ولاراس مالـي

.. وسلامتكم جميع ..

كالعادة القصيدة ليست ملطوشة من المنتديات الاخرى ... وإنما من المصدر مباشرة ...

الله الله بالردود الزينه يالربع ...

تحياتي لكم

الوضاح