رد: بعض الصور من شعبان حول الرياض اليوم الخميس 30-11
تشكرون جميعا...وعلى كلامك يابونضال سوف يندم العرنين ..مادرى اني صورت قريبا من الزلفي هههههههههه
...
الاخ الليل ...باختصار شديد ..سوف اعطيك اجمل الاماكن واذا مافهمت الوصف سوف اوضح لك اكثر
...
في غرب الرياض : عندك
1- روضة سمحان.على طريق الطائف القديم بعد مدينة ضرما بحوالي 20 كلم تجيك على اليسار جميله وسهله الوصول يعيبها عدم وجود اشجار وكثرة الكشاته
2- روضة ام الشقوق على نفس الطريق تمشي لين يجيك مفرق (البره) تروح معه وتمشي مسافة حول 20 كلم وتجيك على اليسار روضة ام الشقوق قبل نفطة التفتيش اللي في مثلث القصب جميله والرمال تحيط بها من كل جهه
في الشرق
روضة خريم رائعة جدا..وصفها سهل تروح مع خط الشرقية تطلع مع مفرق رماح وتمشي لين تجيك لوحتها على اليمين
افضل الاماكن فيها : اذا انتهى الزفلت ووصلت البوابة اتجه يمين وخل شبك الروضة على يسارك حتى تجد شعيب ممتاز والرببيع فيه طيب وداخل الروضة رائع جدا
روضة التنهاة بس بعيده شوي حوالي 150 كلم تروح مع الثمامة تلف مع مفرق الطوقي يجيك الدوار الاول سيده
الدوار الثاني سيده تجيك على اليسار كبيرة وواضحه
روضة الخفس قريبة وكويسة موقعها في نهاية الثمامة على اليمين هناك روضتين ميزتها قريبة ولكن مافيها شجر وبها كثرة كشاته
روضة نوره على طريق القصيم بين رويغب وتمير
شعيب الشوكي من تمير تفرق له ثم تتجه للشعب وتفرق للوادي من عند محطه اظن امسها الشرق الاوسط
شعيب الطيري ومحارق على طريق التنهات قبل الدوار الثاني تجيك لوحة صغيرة مكتوب هجرة الطيري تفرق معها ويجيك الطيري اما محارق فلابد تقطع مسافة طويلة شوي بر باتجاه الشمال الغربي
اتمنى اكون افدتك
|