[علي الزهراني]

[align=center].

جريدة الانباء الكويتية الثلاثاء 26 أغسطس 2008



تعاطيت الأمــل في شوفتك وادمنت أحــلامي
................................. وهــرّبت الأماني في خفــوقي وانت عاداتك ..

تساومنــــي على لحــظة غيابك وانت قــدّامي
................................. وانا صدري على كثــر الجفا ما خـان طعناتك

تعال أرجــــوك يا سنـّة عذابي وقبّــلة آثامي
................................. تعال أجمـع من ايامي رضاك و ريـع غلطاتك

تمنيتك مطــر لكــن ، خذلني عمــري الضامي
................................. خذلني موســم أعذارك ، خذلني سيــل جياتك

رشيت الليل بدمـوعـي عشان يشــتت أوهامي
................................. عشان أستدرجك للحلـم واستفــــرد بنظـراتك !

تحايلني الـوله واســرجت ادوس الليل بقـدامي
................................. ومــرّيت الدروب اللي مطـــــرّزها بخطــــواتك

سريتك ممتطي صهوة جروحي والهدف سامي
................................. وانادي بصـوتي المثخــــن ألم وتــرد بسكـاتك

رجعــت آجـــر أذيال الحــــزن واكفّكّف آلامـي
................................. رجعت آعــــد في بالي ضحايا ليــل مأسآتك

لقيــت اللي بقالي من غيابك (جــرحك الدامـّي)
................................. يقول : أرجــــوك لو ترجع تعيد أمجاد طعنـّاتك


علي الزهراني[/align]