[مـ ـخـ ـربـ ـهـ ـآ]

[align=center]

اسمعيني يا عسى عمرك يطول !!
ما مشيـت الا الـدروب الواسعـه

ولا هويت الا انتي يا بنت الأصول
ومن سنيـن العشـق ذيّـه رابعـه

ولو يحول البعد عنك لـو يحـول
ورد حبـك فـي فـؤادي زارعـه

وورد حبـك مـا تقفـاه الـذبـول
دامهـا كـل المشاعـر شابـعـه

ساكن ٍ في وسـط خفاقـي تجـول
منزلك قلبـي وضلعـي شارعـه

ما هويتك يا بعـد حالـي فضـول
كودها الأشـواق جـت متسارعـه

الحسـن ويـاك تخديـر العقـول
وكاس سحرك من ليالـي جارعـه

لا يشـاور لا ولا يعطـي حلـول
مـن يصيبـه مـا يجـوّد رامعـه

جيت وأثر الحسن يحدانـي ميـول
والمشاعر مـن وصوفـك والعـه

صابها من واسـع عيونـك ذهـول
وقمت اردد رايعه !! يا رايعـه !!

وما رخى لي عزم يوم إني صمول
كـود خـدك يالبـروق الساطعـه

اشعر ان سنين عمري مـا تـزول
لا جلسـت أخايـلـه وأطالـعـه

والردوف تشيل بأنـواع الحمـول
ما درت عنهـا العقـول الهاجعـه

وبالصدر تفـاح سابـق للوصـول
اشهـد ان الطـرف سيّـل دامعـه

من نزول اليا طلـوع اليـا نـزول
العاطفه عن حب غيرك لايعـه !!

ولو حكى لي عنك وشاي وعـذول
والله انـي مـا استمـع للشايعـه

العواذل مـا وراهـا يـا خجـول
غيـر تشويـه القلـوب الناصعـه

ويش يعني لا حكى عندي مهبول ؟؟
مالي ومال اهل الهروج الضايعـه

خاسي ٍ لو هو يفكـر بـك ينـول
ما خست غيـر الوجيـه الطامعـه

والحقايـق مـا تغيرهـا الخبـول
صامـده صمـد السمـاء السابعـه

غير هذا ويش بحكي ويش اقول ؟
غير توضيـح الشعـور وطابعـه

وفالنهايه يا عسى عمـرك يطـول
يالنادره يـا أم العيـون الواسعـه [/align]