[رعاش]

[align=center]السلام عليكم ورحمة الله وبركاته

هذي القصيده من كتاباتي وحبيت

إنها تكون موضوعي الأول في المنتدى

وأهديها لكم جميعا" وأتمنى تعجبكم....

أهاب قربك وأكره البعد عنك

----------وأسعى لحبك وآتعثر بخوفي



أخاف أخيب فـالهوى حسن ظنك

----------وتقسى وترحل وأنت تجهل ظروفي



الحظ طايح وأرجو العطف منك

---------حظي بدونك عاجز" بالوقوفي



ارفق بعاقل من محبتك جنك

---------محتاج صوتك ولسماعه لهوفي



وحن قلب امن النسايم يحنك

---------وشلون تقسى وأنت قلبك عطوفي



وأشعر بشاعر يوم تجفاه كنك

----------ياشوق تطعن خافقه بالسيوفي



وعيونه اللي ماغفن يسهرنك

---------جرحه غيابك وأنت عنه عزوفي



ظامي لشوفك والمدامع رونك

---------والشوق جمره واقد" وسط جوفي



شاعر حروفه يوم هاض اٍكتبنك

---------فاقد حنان ونبض حرفه رهوفي



حيرتني ياللي على صغر سنك

----------علمتني وشلون صفق الكفوفي



خذني دخيلك وأعطني حسن ظنك

----------وأبشر بقلب صدق لاحب يوفي


وسلامتكم[/align]