[مشعل المرشد]

[align=center]ياحظ من في راسه قــمــله . . . . . . . . . . . . . . . . ! ! ! ! ! !
--------------------------------------------------------------------------------

السلام عليكم ورحمة الله

كما وصلني


يقول الراوي :

عصر يوم الخميس وبعد صلاة العصر، امتطيت راحلتي ووجهت وجهي صوب أسواق طيبة ( شمال الرياض ) .

وصلت للسوق ، وهممت بالبحث عن ” العطار ” مرادي منه شراء ” حلبه ” وشيء من ” الحبة السوداء ” .

البائع في محل العطارة أخ سوداني ، غاية في اللطافة وقلبه أبيض من أسنانه ،،،

قلت : السلام عليكم ورحمة الله وبركاته ، يازول !

ودلفت إلى داخل المحل مبتعدا عن الباب ، تاركا بذلك فسحة لفتاتين ممشوقتين للدخول !

وليتني لم اسمح لهما بالدخول ؟ بل ليتني ” صفقت ” الباب في وجيههن !

أعطيت الزول والفتاتين ظهري ولم أكن لأعيرهم سمعي وبالي ،،،

لولا أن إحداهن صعقتني بما أخرجت من بين شفتيها من صاروخ ؟

قالت : لوسمحت عندك قمل !!!!!!!!!

قال : لا

قالت : طيب ياخوي ماتقدر تجيب ؟ ضروري الله يعافيك !!!

قال : إن شاء الله يوم السبت ؟

قالت : كم قملة !!!

قال : ست قملات !!!

يخرب بيتك أنتِ وياه ( قلتها في نفسي وأنا تحت تأثير الصاروخ )

التفت بسرعة تجاههم ؟ خلاص الدعوى ماعاد فيها احترام أو تقدير !

الدعوى صارت مساومة ومكاسر على قمل ؟

الفتاتان تخرجان خارج المحل ، والسوداني اللطيف ، يلتفت إلي ، وقبل أن يظهر بياض أسنانه ؟

سألته ! أي سألته ؟ إلا هبيت في وجهه !

قلت : الحرمتين اللي راحن وش يبن ؟

قال : دول ، عايزين قمل ؟

قلت : يازول ، القمل هو اللي نعرفه ، والا عشبة ؟

قال : لا ياخي ! القمل زاتو ؟

قلت : يازول ايش الكلام هذا ؟ قمل يباع ويشترى ؟

الحرمتين ويش يبن بالقمل ؟ قصدي الست قملات ؟

قال : ياخي هذا تاخذه الحرمة وتضعوا في راسها ، وبإذن الله يطول شعرها ؟

قلت : أعوذ بالله ؟ قمل حي يازول ؟

قال : آآي قمل حي ؟ و بيجري كمان ؟

قلت : والله يازول الموضوع هذا سبب لي مخوله في راسي ؟

طيب يازول بكم تبيع القمل ؟

قال : ماراح تصدق ياخي ؟

والله ياخي أنا أبيع القملة 150 ريال

ياوييييييييييييييييييل قلبي

150 في قملة

قلت : يازول أنت صادز والا فيك مس ؟

قال : ياخي روح شوف العطارين في الديرة بكم يبيعوها ؟

قلت : لاياشيخ ، تنكت أنت وخشمك

على آخر الزمن تبين أصير مسعر قمل ؟

قلت : طيب يازول القمل ذا من وين يجيبونه لابارك الله فيهم ولافي روسهم ؟

قال : ماني عارف ؟ بالزبط كيف بيجيبونه ؟

بس صاحب العطارة يقول أنو في الديرة ناس بتربيه ، وماخذه العملية تجارة ؟

يازول وشلون تربيه ، وش تأكله طيب !! علف ولا عصير طماط !!!!

قال : والله ماني عارف





والله ناس ماعندها عقل..!!!!!


الموضوع شيب راسي لطشته لكم أبي رايكم ..[/align]