[فارس بلمفضل]

قصة كلها إثاره وحماس وناسة ورعب ادخل ولاتفوتها

--------------------------------------------------------------------------------








في يوم من الايام كان في بنتين لورا و يونا ، هالبنتين يحبون يسهرون خصوصا انهم كانوا في عطله
الصيف ، يوم الاحد كانت لورا بغرفة يونا تلعب و الساعة 1:30 بليل
قالت لورا لاختها : يونا انا بروح أخذ شور وأرجع عندك لا تنامين
قالت يونا : اوكي
بعد مرووور نصف ساعة من طلعت لورا من غرفة اختها ، دخلت لورا
قالت يونا : لورا اول مرة اتخلصين بدري من الشور ..
قالت لورا : أي لاني ابي العب معاك
و قعدوا يسولفون و يلعبون لين ناموا
يوم الاثنين على الفطووور
يونا : يلا لورا انخلص فطور و انروح نلعب لعبه امس
لورا : أي لعبة ؟؟؟
يونا : اللي لعبناها الساعه 3 الفجر
لورا : بس انا طلعت من غرفتك وأخذت شور و طلعت نمت علطول نسيت ما جيتك
يونا : بس انا لعبت معاك و ما نمنا الا الساعة 4 الفجر
لورا حبت اتغير الموضوع
و بليل نفس الحركة صارت بس مع لورا
و نفس الشي على الفطور
قررت ام يونا و لورا و ابوهم انهم يروحون العمرة و يونا و لورا راحوا بيت خالتهم
في بيت خالتهم هيلدي بينت خالتهم و اكبر منهم بسنتين قالوا لها السالفة
هيلدي : خلاص امشوا انروح انام في بيتكم
يونا و لورا : لا لا لا احنا ما صدقنا بنام عندك
هيلدي : لا و الحين بنروح
يونا و لورا : بس الحين الساعة 7 بليل
هيلدي : عادي
و راحوا البيت و قررت هيلدي انها اتسكر الكهربا من الكيبل و يدخلون البيت
راحوا على طول المطبخ وخذوا شمووع وعلبه كبريت و طلعوا من المطبخ
وكانوا كل ما يرقون الدرج كانت الشمعه تطفي و وترجع هيلدي اتشبها الين
خلصت علبة الكبريت
هيلدي : يونا و لورا إقعدوا مكانكم و انا بنزل اخذ علبه كبريت ثانيه
يونا و لورا : اوكي
طول ما كانت هيلدي تنزل من الدرج كانت اتحس انها مراقبة و ان في احد ماسكها
و في شي غريب ، شكت هيلدي بالموضوع و خافت فقررت انها اتروح و تفتح الكيبل
بس انصدمت لما لقت ان وايرات الكيبل مقطوعه و قعدت تركض متوجها الى المطبخ
و طاحت اكثر من مرة مع ان مافي شي على الارض يطيحها و اخيرا وصلت المطبخ و لاكن
تفاجئة اكثر لما شافت ان كل علب الكبريت طايحة و كإنها مستعمله مع العلم ان مافي غيرهم
بالبيت ، فراحت تركض نحو باب المطبخ و لاكن المفاجأة الاكبر ان الباب اختفا يعني خلاص مافي
باب للمطبخ ، اما يونا و لورا كانوا فوق بنفس المكان ما تحركوا طولت هيلدي عليهم فقرروا انهم
يتصلون عليها و لاكن تلفونها كان مغلق و في هذا الوقت دخل البيت اخوان هيلدي و يونا و لورا ربعهم الاربعة ،
لوكاس: حياكم الله البيت بيتكم تفضلوا
الربع : دام فضلك
جاكسن: خلوني اشوف ليش مافي كهرباء
راح جاكسن و كان حاس ان في شي غريب و شاف الكيبل وايراته مقطوعه و رجع لربعة
وقالهم و قرروا انهم يروحون بيت واحد ثاني منهم لانهم حسوا ان في شي غريب بالبيت كأنهم
مختنقين ، لما قربوا عند الباب اكتشفوا ان في الباب متسكر و ما ينفتح ، خافوا لان بدا يطلع صوت
وهو صوت صياح هيلدي لانها فقدت الامل و قعدت تصيح و صوت يونا و لورا و هم يغنون بس الاصوات مو واضحة قرر لوكاس انه يروح المطبخ و ياخذ شمووع ، وكانوا يمشون طابور ورا بعض فجأة لوكاسد طاح و اختفى و جاك و جو بعد اختفوا (حيث ان لوكاس كان اول الطابور و جاك و جو اخر الطابور)جاكسن
و باقي الربع قرروا انهم يرجعون مكان ما كانوا ، لوكاس طاح لان في شي طيحه و كان في نور بسيط حيث ان
يمكن يشوف اللي قدامه فتح عينه و شاف اخته هيلدي وتأكد لما سمع صوتها
لوكاس : هيلدي اختي صح انا لوكاس
هيلدي بفرح و نوع من الامل : أي انا هيلدي
<<<<وراحت خمت اخوها وقعدت تصيح من الخوف
انروح ليونا و لورا
يونا : لورا هيلدي طولت تحت امشي انروح لها
لورا : اوكي يلا
<<<<راحوا و اهم يمشون طاحوا و كل وحدى ما صارت اتشوف الثانيه مع انهم يم بعض و طاحوا
مكان واحد يونا اعرفت ان هذا رفيق اخوها جاك بس كان ميت و ملطخ دم ، و لورا ما اعرفت منهم
الاثنين راحوا بس عكس بعض و كل وحدة اتنادي على اختها ( لورا كانت من النوع اللي يكلم نفسه
24 ساعة و كانت تامن بوجود الجن عكس اختها يونا ) لورا وصلت غرفتها و تفاجأت لما شافت
الكهربا بغرفتها مو مقطوعة بس مجرد انها تطلع اتنادي اختها تنقطع فقررت انها تقعد بغرفتها الين
اختها تجيها ، اما يونا كانت تنزل من الدرج و تسمع صوت احد تحت و لما انزلت لمحت اخوها جاكسن
بس كانت خايفه و اخواها بعد لمحها
جاكسن: انتي مين؟؟
يونا:انا يونا انت جاكسن صح
جاكسن: أي صح تعالي عندي ومدي يدك و انا بمد ايدي عشان نتأكد انك مو ... شي ثاني
يونا بخوف: اوكي
و مدوا ايدهم و مسكوا بعض و قالت يونا لجاكسن كل السالفة قرروا انهم يروحون للمطبخ
انروح للوكاس و اخته هيلدي
هيلدي قالت لاخوها كل شي و قرر انه يدور باب ثاني او شباك قعدوا يدورون ما لقوا الا شباك
قديم قرروا يفتحونه بسكاكين و اخيرا بعد عناء انكسر الشباك و قرر لوكاس انه يطب اول قبل اخته
بط لوكاس بس هنالك ما اوقف هيدي بمكانها حيث امتلت عيونها بالدموع
الصبيان و يونا و اهم متوجهين للمطبخ لقوا شي معلق و لما قربوا لقوا صديقهم جو كأنه
منتحر و كان ملطخ بالدم
هيلدي وقفت مكانها لان اخوها اختفا خلاص ماله اثر ، مع العلم ان كان الطابق الارضي ، تصنمت
هيلدي مكانها و دموعها الحارة انزلت على خدها و فجأة طلع لها اخوها لوكاس مرة ثانية و لكن ملطخ بالدم
و كانت معاه سكينه و يبي يقتلها و كانت اتصارخ و وترجع ورا الين اغمى عليها
الصبيان و يونا طبعا خافوا من جثة جو و كانوا يصارخون و يركضون الين

هيلدي فتحت عيونها و لقت امها و ابوها و اخوانها دار مدارها
لوكاس: هيلدي وش فيك ؟؟؟
هيلدي : كنت اشوووف كابوووس...
.
اخوكم : ابو زاهر