[بندر الخزمري]

[align=center]كل عام وأنتم بخير
أعاده الله عليكم باليمن والبركات



لان السـحـايـب في سـمـانـا سحــايب

و لان الـمـطـر لا هـل يـسـقـي مديــنه



و لانـه من الاعـجـاز والا الـعـجـايــب

نـقـطـف ثـمـارً تـحـت صـحرا دفـيــنه



و لانـه اذا كـان الـفـكـر فـيـه صـايــب

و الـذهن صـافي و الـتـجارب سـمينه



حـكـيـم مـتـوازن رزيـنٍ و شــــــايـب

و انـتي تـعـنـيـتي لـجـل تـسـمـعـيـــنه



اول كـلامـه لـلـسـعـاده ضـرايــــــــب

و ان الاصـابـع مـا اسـتـوت في يديـنه



و انه يصـيـب الحـظ لو كــان خــــايب

و ان الفـتى لابـد تسـعـد سنـيــــــــنه



و الحي نـطـفه بيـن صلـب و تـــرايب

و تشـوف عـيـنه ما كتـب في جبـــينه




اذاً وحـتى لو حـيـاتـك مـصـــــــــايب

ما حـق لـك تـبـقي لحـزنـك سجـــينه




ما حـق لـه قـلـبـك ولو كــــــان ذايب

يـسـتـسـلم لـيـاسـك ويـبـقى رهـــينه




و اللي حـيى عـمـره جـفـاف ولهــايب

لابـد ما تـلـقى الـتـبـاشـيـر عـيــــــنه




و ان كـان ودك تـسـلـمـيـن النـــوايب

درب الهـوى يا بنـت لا تـتـبـعــــــينه




و قـد ما تـقـويـن مـدي الـركـــــــايب

و خلـك من دروب الهـواوي حصـينه




ما هو الزمـن يا بنت من كـان عـايب

الـعيـب والله فـي بـشـر عــــايشـيـنه




نـاسٍ لغـت الاخـلاص بيـن الحـبـايب

صـارت طـروق الحـب منـهم وهينه




لا تظـلميـن الـوقـت ما لـه سبــــايب

كـلـن حصـاده تحـصـده له يـمـيــنه




شـافـك رجـل مره و شـاف العـجايب

حـزنٍ و لـو وزع يـكـفـي مـديـــــنه




كتـبك شـاعر من قـصايـده تـــــايب

غـنـّاك شـعـره حـزن .. لا تجـهـلينه[/align]