[محمد الخضر]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
قالوا البشر : كل الرجاجيل احرار..!!=شف خافقي مسجون لو شفتني حر
من وين لي فرحة ؟ ولا زلت محتار!=لا صار قربك شر.. ومفارقك شر ..
ترحل وتترك لي مع الحزن تذكار=كل ما ذكرته للحزن جرني جر
ماعاد قبر الصدر يتحمل اسرار=لا صار كل الهم في مجمله سر
اشكي .. ودمي من انانيتك فار=واندم على يومٍ ؛ لك الخافق اغتر
امسيت اطيَب خاطر الدمع لو سار=بدروب خدي يقدح النار ويفر
اربع سنين .. وسلطة الضحك تنهار=ابكي بدون اسباب .. ما مسني ضر
الحظ مات .. وصارت احزاني كبار=والمر (( مر )) .. وكل حالي غدى (( مر ))
تبغى تشوف الحزن يلعب بالاوتار ..؟=شف حالتي .. لا ( فر ) ينجي ولا ( كر )
من قال لك : إن الرجاجيل احرار!!=شف خافقي مسجون لو شفتني حر[/poem]