[نايف علي الزهراني]

السلام عليكم ورحمة الله وبركاته
وكل عام وانتم بخير


هذي قصيدة ارسلتها قبل ثمانية شهور للشاعر احمد غازي الرحيمي وقام بالرد عليها ولكني
لا احفظ الرد حالياً




[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
سـلام لك مــــــــــــــــــــني مـوثق بـالأوزان =ياشاعر(ن) مـاقد وقــــفـــــنــا وزانـــــــــــــه
أمـــــا بعد يانــــسـل حـــمـــــــران الأعيــان=هـاك القصـــــيـــــــــــــدة من رفيـع المكـانه
نـــــــــايـف وعـــــــــزوته المسـماه زهـران=الشـعـر سيـــــــفــــه والمـعاني حــــــصـانه
بدون ماطـول ولا أقــول عـــــــــنــــــــوان=نرجع لموضوع إسـتــــــــــــــــلام الأمــانه
ينوب في التسليم صــــــــــــــداق الإيـمـان=نــواف جـعــل الله يــــــــــــطـول زمــانه
الصاحب اللي صحبته فوق الأثـــــــــــمان=عــهــــــــــــد الصـداقه بالـمـواجيب صانه
عـارفـه قـبـل شـهـور لـكنه إنـــــــــــــسـان=طـــــيب ولا يــــــــــعرف دروب الخـيـانه
هــاك القصيده يالـــــرحـــيــمـــي والأديان=كـثـرت ولا حـصلـت فـيـها ديـــــــانـــــــه
لاجيت لي معبد من الـــــــــــــذنب حزنان=حـصـلـت بـيـبانه عـــــــــــــليـها حـصانه
ياكـيــف بدخله وانا جيت غـــــــــــــلطان=وقّـعـت فـي ذنـب وتعـليت شـــــــــــــانـه
ذنبـ(ن) يـــجـــيب بجـــــــيته صـف قيفان=لامن تكلم صـرت حسـبة لــــــســـــانــــه
أقول مايـوحـيه من دون نــــقـــصـــــــان=ويصـير عـــــــقـــــلي متصل في كيـانـه
مبـغـاه لــــــكـنـــــه غـدى مثـل الإدمـان=تــــــركــــه يسـبب للــمـعـذب جـــنـانــه
وانا ترى مانـي بنـــاقصــــــــني جــنـان=يكـفيني اللــي مستـجنـن عشـــــانــــــــه
مره يجازيني بوصـلـه والإحـــــــــسـان=ومــره يـوديــــــــنـي دروب الـمـهانــه
الحب له بصمه على طول الأزمــــــان=مـــــــاتـقـبـل التـغـيـيـر ولا الـصـيـانـه
مـنـه الأوادم تـشتكي كثـــــــر الأحزان=ومـنه الحـياه تصير من دون خـــانــــه
لاصاروا الخلان في الحـــــــب عدوان=وصـار كـلـن مـــــغـتــــرب في مكانه
الحـظ يـمـكـنـه سـبب كـل ماكــــــــان=ولا السبب يمكن نـــقــــــــص الذهانه
مدري ولكن صرت في بعض الأحيان=مثل الحريص اللي بدى فــــــي هوانه
عشرين بيت أتـممتها بيــــــــــن بيبان=متــــــــــــــفرقات(ن) كـل واحد بيانه
والحكم عندك دام للــــــــــشعر ميزان=يثمن المـــــــــــــضمون فـي كل دانه[/poem]




وسلامتكم,,,,,,,,,,,,,,,,,,