[بديع الزمان]

السلام عليكم ورحمة الله وبركاته

اذا فكرت فيها تلقاها تنرفز


أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .


يجي أحد أخوانك ويفتح الباب عليك ويقول :- بتنام ! ! !


(( لا أبرقص ,, أكيد أبنام ))



أنتم معزومين عند ناس ورحتو لبيتهم وأول ما فتحوا الباب لكم , قال ولدهم :- ' جيتوا العزيمه '


(( لا عند الاشاره))


والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,


يجي أحد من أهلك وينادي بصوت عالي >>> بتطلع ! ! !


(( لا اجرب الباب هو زين ولالا))




أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز
أنت بكل ذوق تفتح القزازه وتقوله :- آمر يالحبيب ؟


يقولك :-بتمشي با السياره ! ! !


(( لا أبفحط وأسوي خمسات . . . . أكيد أنا ماشي ))





البنت مثلا أنتي بالكليه وقمتي من الطاولة عقب ألف سالفه وسالفه يتخللها الحش والضحك


والصرقعه ورحتي عند الباب تلبسين عبايتك . .


تجي وحده ملقوفه من ال بنات وتقولك : - فلانه بتروحين البيت ! ! !


(( لا بصلي في البنات أكيد أبروح لبيتنا من زين الكليه جالسه في استاربوكس ونا مدري ))




مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !


((لا بتصور معه كم صووره تذكاريه , , أكيد أبكلم ))





مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !


(( لا أفرش اسناني , , , أيه أذاكر ))



أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !


(( لا ادغدغ سمكه))




ولا تعالو شوفو قنواتنا وأسئلتهم البايخة:


مثلا بالعيد جايين يقابلون مع الناس شوفو حوارتهم :-


المذيع :- مرحبا عرفنا على أسمك ؟


المواطن :- فلان الفلاني . . . . .


المذيع :- وش تقول لأهلك بالعيد ؟ ! ! !


المواطن :- أقولهم كل عام وأنتم بخير .


(( لا منه المال ومنها العيال))



والأسخف من هالبديهيات اللي تضيع وقتنا إذا قابلو مع بزارينا , , ,


يقول المذيع للبزر :- أنت تحب ماما وبابا ! ! !


(( لا احبك))


المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !


(( لا أبروح أكفخهم وأسوي هوشه , , , أكيد أبعايدهم ))



واحد شاايل شنطته ومتجه عند بوابه المطار ويشووفه خويه با الصدفه هلا والله اعلومك اخبارك شو تسووي في المطار
(( لا والله جاي اشوف مباراه الهلال و النصر... اكيد اني بسافر ))


من جد شي يرفع الضغظ
(( منقوووووووووول))