[نايف العمر]

السلام عليكم ورحمة الله

اضع بين طياتكم كلماتي المتواضعه واتمنى ان تنال على استحسان ذائقتكم


[poem=font="Simplified Arabic,5,#090901,bold,normal" bkcolor="" bkimage="images/toolbox/backgrounds/43.gif" border="solid,4,#400000" type=1 line=1 align=center use=ex num="0,#400000"]
تعبت اكتب على شط الامل بـ الرمل احـلامي = وانا اشوفـه يزيـل اللـي كتبتـه فيـه بـ امواجــه

رجعت اجمع من الآصـداف ياسي واجمع آلامي = كذا اتسلـّى وانا أجمـع ولو مـالي بهـا حاجــــــه

سليت بجمعهـا واثري نثرت آمال أوهــــامــــــي = نظـرت .. إلا يقـيـنـي منصـدم ويعود لـ ادراجه

رجع مذعـور يبـكي وارتمـى في حضـن اقلامـي = بعدمـا شـاف قـرش اليــآس له نيبـــان وهـّــاجـــــه

كـذا يا وقت ..! يعني ما تشوفه منظر ٍ دامي = عجبـك اللـي فعلــتـه بـ اليقـيـن وقمـت بـ ازعاجه ؟

ويعنـي ما كفـاك الجرح جبـتـه داخلـي ضامــي ؟ = تعبت ارويـه من دمــي زلال وتــدري احتــاجــــه

ويعنـي ما كفـاك أشعـل ظـلامي كـل أيـامــي ..؟ = أشوفـه موحـش ٍ ودّي اقـاوم واطفـي سراجـــــــه

حـرام أغزل بـ يدّي من خيـوط الهـم هنـدامـي = وانا مبغـاه .. تجبـرني على لبسـه وديبـاجــــه

جعلـت المـُـر لي محـوّر تمـشــّـت فيـه اقـدامي = وانا مُجـبر علـي ابقـى سجيـن بداخــل سيـاجــه

متـى تفتـح من ابـواب الامل لو باب قــدّامي = قضيـت العمــر عاجـز ما قـدرت آزيـح مزلاجه [/poem]