[مسفر العدواني]

حي الجامعة 1ـــــ5 عام (1413)


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
(باختصار) أقولها لك باختصار = حي ساكن وسط (حي الجامعة )

قلتها صدفه (وداعيه) وطار = نورس الأحلام..والدنيااااا.. معه

آااااه يا (مشعل) غدا ليله نهار=من( رباب الحزن ) عينه دامعه

لو سألته قال (واينك) وايش صار=كم (سألنا ) يا النجوم الشامعه

وأنشدوني عن جحيم الانتظار= كيف (أجر الصوت ) روحي زامعه

آاااه يا حي(ن)سكن حي(ن)وغار=حي تهواه النفوس الطامعه

آااه يا بعض السواليف القصار= وابتسامات الضيوف اللامعه

يكذبون وفي معانيهم دمار= يهمسون وكل همس(ن) سامعه

صدق (ونات القهر) ياقلب نار=لو نثرت الهم ليلي جامعه [/poem]


السكن الجامعي 1-3 ( 1413)

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
(اجرح) وأنا (اتحداك) لو قلت لك (آاااه)=(الحب الأول)راح لو قلت لي (إيييييه)

هذا أنا ..يا ساكني جيت لك (هااااه)=اتعب على شانك ولا جيت يا (هيييه)

إنسان من نسيان في عالمه (تااااه)=هذي الحياه ..وإذا تبي غيرها (تيييه)

تلقى حياتك كلها يوم تلقاه=وتحسّ في شعره بُكى.. يوم تلقيه ..!

اشرب جفا يا متعبي لين ترواه=واذكر بطولاتي معه حين ترويه..!

قلبك على شاني تعب ليه تنهاه=حب(ن) بداياته وجع كيف تنهيه ..؟! [/poem]


مقاطع من رحلة 1415هــ

[align=right]
(1)
هات بريالين خبز ..

هات ملح ..

وهات رز..

لو سمحت تزيد ملح

(الحياة الشامزة ) تحتاج ملح..قبلما تحتاج شرح

جيب يا اخي أي حاجه

بس لا تنسى الدجاجه

خلّها ثنتين .. وإلا اقول جيب لنا ثلاث

بعض جيراني خباث

(2)
يا شباب

الوعد عـــ (الفيع) وإلا عـــ ( الكظامه )

نسأل الله السلامه

(4)
.............................

................................

.................................


(5)
لو سمحتم اخرجونا اليوم من هم الدراسه

خلّوا الرحله وناسه

والحقوا عبدالله حاس الرز حاسه

(6)
الله الله يا زمن ..

شفت كيف الناس بالتافه تمن
...................
....................
.................
................. أنت من ؟!!

(7)
ياخي هوّنها وتهون

أحنا ما جينا ................

...............................[/align]

(8)
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
آااه يا شاهي عطيّه=(مُرّ)..(حالي) / مرحلي
لك من أعماقي تحيّه=ع القبس يغلي غلي
عشت ياراع الحميّه=جعل همك ينجلي
شيخ وعلومك وفيّه=بارع(ن)ياخو علي [/poem]


يا ليت قومي يعلمون ...!!
[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

يا (حِصْن) لك وسط قلبي قدر ما له مثيل=لك هيبة(ن) ما تغيّرها جميع الحصون

أنا تقهويتك البارح وهمي ثقيل=يفداك يا سيدي العالم وما يملكون

قصائدي فيك فاحت ريح بن(ن)وهيل=امدحك بالشعر و(...) ما يشعرون

صباحك المجد ومساءك تصاهيل خيل= مدري عشقتك هوى وإلا عشقتك جنون

أنت و(جبل منور)الشامخ حكايات جيل=وأنا حكايات شاعر عاشق(ن)ذو شجون

يا كم سهرنا ..يناجينا بنوره سهيل =وياكم سألنا وبعض الناس ما يسألون

ما دام نهوى الكفاح وعشقنا سلسبيل =أنفاسنا الورد والريحان والزيزفون

الله خلقنا كبار ونعشق المستحيل=نعرف فنون الحياه وغيرنا يجهلون

........................................=......... .....................................

حنّا الثلاثه نسولف للمدى كل ليل=يا ليت قومي بصدق ا/حديثنا.. يعلمون [/poem]


لعنة

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يلعن أبو الشــــــــــــعر كان الشعر يعصاني=يلعن أبو الــــــــــــديرة اللي غيـــرت طبعي
إن كان بعض الــــــــــــمعاني ترضي أحزانـــي=والله لأرد القــــــــــــصائد كلــــــــــها ربعي
مجنون/..عاقل../..مسالم../منتهي./..جاني=تمسي هجوسي (8ان) وفي الصــبح (7ي)
[/poem]


غرور
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

تعال شوف اللي حصل منك فيه=وامسح جروح(ن) في غيابك أليمه
حرام تجرحني وتقسى عليه=لك وسط قلبي ذكريات(ن) قديمه
الحب عندي تضحيات وحميه=والحب عندك يبدو انه جريمه
يعني تنازل عن غرورك شويه=وارحم عيون(ن)من عذابك سقيمه[/poem]

[align=right]والشعر إذا تغنى ..! [/align]

[poem=font="Simplified Arabic,5,#B50DE9,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
زمزميني يا صباحات الغمام=كوثريني يامساءات العطور

واشعليني يا قناديل الغرام= يا غواية حلم في ليل الشعور

يا بقاياهمس في بوح الكلام= يا شبابيكي على مر العصور

يا نهاياتي مع ليل الزحام =يا بداياتي مع فجر الزهور

زغرديني يا حكايات الهيام= زلزليني يا غيابات الحضور

غرديني يا مساحات السلام=وارسميني طيف يا عشق السطور[/poem]