[سعيد الغامدي]

اللهم إني لا أزكيه ولكني أحسبه كذلك واشهد بما عرفته عنه
أحبتي هذا ما جادت به القريحة وما احتوته القافية
مع أن لدي الكثير والكثير من مآثره ( يرحمه الله )

[poem=font="Simplified Arabic,5,green,bold,normal" bkcolor="transparent" bkimage="" border="outset,10,indigo" type=2 line=0 align=center use=ex num="0,black"]
أرفع يدي لمدبر الكون وارجيه = يرحمك يا شيخٍ قضى يوم جمعه
يا بوي جاد الدهر بارزا بلاويه = وفراقكم يا بوي والله فجعه
أمنت باللي كلنا نرتجي فيه = اللي لنا يمه مآلٍ ورجعه
يا شعر قلبي كيف تقدر تواسيه =وهل تستطيع تعيد للقلب وضعه ؟
الدار والمسجد والأذكار تنعيه = والصف الأول والقبيله وربعه
والليل يسال من بتاليه يحييه = لا غطت عيون المفاليس هجعه
والقلب ما به من صديقٍ يعزيه = حتى ولو جوني بنزعه وفزعه
دار الزمان وصرت بأشعاري ارثيه = وقلبي حزين وطرفي يهل دمعه
عقيد ربعه ثاقب الشور يبديه = مؤمن بحكم الله ودينه وشرعه
وإلى بدا الميقاف ربعه توفيه = الطيب تاجه والمروات طبعه
وإذا دعى بالصوت جينا نلبيه = كنا حزامه لا دعانا ودرعه
بطيب السوالف والشعر لا نطق فيه = يصغي لها من يفهم القول سمعه
على الوفاء والطيب زانت مرابيه = المال ما وظف حياته لجمعه
اللي بكفه يبذله ما يخليه = له في دروب الطيب فزعه وجزعه
الحق نهجه والخطا ما يدانيه = وما يقتصر على محبيه نفعه
ما كان كثر المال والجاه يغريه = ولا عاش يبحث عن مكانه وسمعه
حكيم زرع المرجله من مباديه = والناس تقطف من حصاده وزرعه
روح الطهاره عانقت طهر أياديه = وما كدرت لوثات الأيام نبعه
رحل وكل عيون ربعه تراعيه = وعلى الوجيه الحزن يا كبر وقعه
من طيبته كثرت وفود العزا فيه = والغيث يهمي يغسل قلوب وجعه
لو بالفدا جينا بالأرواح نفديه = وأغلى فداء ما ننقصر دون دفعه
أقسم لكم إنا نحبه ونغليه = لكن هذا الموت ما أقوى لردعه
يا رب عبدك من عذابك تنجيه = يا عالمٍ بالخير وتره وشفعه [/poem]

أخوكم محبكم

سعيد بن عبد الله الغامدي

أسير طيبكم