رد: رجعت الى الخلف فوجدت فاعجبني
مامعي بصروا غير اسوي كماكم واكتب كما ماتكتبون 
زربة غنهم لو معها لسانن علمت بما كنا نسوي وراها
تشر ليه وانا سارحن بالغنم غبشه
الدنيا ظلمه والواحد مايبصر كفه
ماهلاّ تبصرنيه وتضحك
وماهلاّ ابصر سنونها الصفر افغر
واحس قلبيه بيكسر ظلوعيه بيخرج من الدق
ويازين المنطوق " وا اصبحت "
قلت لها : اصبحتي عالرضا
قالت وش تيا فوق شاربك
واحط ايديه والقاها مخاطه نشبت يوم عطست من ريحة النعجه وانا اعاوش الفرّان
وامشّها في ثوبيه
ونجلس فوق الدمنه
جنب الزربه
تطورنا شويه وحبنا تطور
دخلت مدرسة محو الوووميه لنّها كبيره عذراء قرطانها تنفّح مايدخلونها مع الصغار وهي صبيّه
ودخلت انا كماها محو الوووميه واسرح كل نهار فوق حمار جديه
تعلمنا
الاستاد يقول قول : صاج واقول صاز
قول مؤسسه واقول ....اهههههه استحي اكتب اللي كنت اقوله عيب بس هي بدايه كذا ..ممـ ...
وصرنا نكتب رسايل
حتى ارسلها مع ابوها مايدري القحم وش مكتوبن فيها
كتبت لي مره :
[img] [/img]
وكتبت لها
ايام الله يسقيها
كل يوم اسرح بالغنم غبشه اسقيه من البير وكل مامريت من شعبوا اشوف ثيابن وسراويلن منشره فوق الشجر مدري عقوف ايش ؟؟
بس عاد بعدين لماكبرت وقحمت عرفت انها عقوف ماشي فنادقن واستراحات وشاليهات وكوفي شوب يتقابلون فيه .!
تطورنا شويه
وتاع الهاتف الثابت
ومالحق عينيه من القحم
كل يوم يخبطنيه ويهبدينه
عقوف يتعالى النهار وتاجي الساعه 9 وانا مافكيت الزربه عن غنمنا
كله الليل ساهروا نتغازل انا وهييييه في التلفون
وتاعت الفاتوره وتاع العذاب
بغى يذبحينه
يقول تبغينيه اللحين اروح اجلب نص هوشنا عشان اسدد التلفون
وانفصل تلفوننا وتلفونهم سالمن مالحقه شي
ماعد اقدر اكمل
يوم اتذكر ذيك الايام
كان كل يوم اقول تالقصيده يوم اتذكر ذيك الهروج
ياليت معي صاحبه واشري لها كادي
واعمد بها تحت مظّه و......اههههههي استحي اكمل
خالفتني عافيه
ـــــــــــــــــــــــــــــــــــــ
|