[سعيد بن سالم]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
هم يسألوني ليه انا اغلي ثرى نجد=وهم يسألوني وش مطيب سهرها
وهم يسألوني ليه عشقي بلا حد=وليه ان طروا لي الطيب اذكر زهرها
معذور من ما شاف مياسة القد=ولا تلحف في منامه شعرها
ومعذور من ما شاف مملوحة الخد=سر الحياة وكل موت بنظرها
واليا مشت مثل المهاة اتردد=محدٍ عرف وش سرها وش خبرها
هي وقفت دون الغلا والحلى سد=وبعض الخلايق ميته من قهرها
من شانها زين المكاييج ينهد =والماس يتمنى يعانق نحرها
الخصر مايحتاج تخصير او شد=خصرٍ نحيل وكل جيله بهرها
مفاتنه والله ما اظن تنعد =الوصف يعجز والمعاني عسرها
الجد فيما قلت هذا هو الجد=روحي معه ذابت ورد وصهرها
يا ناشدٍ روحي وقلبي وش ارد=يكفي الرياض الفخر خلي قمرها[/poem]


................................ ..........................

الاخ الرائع ( العرنين )

صح لسانك

قصيده رائعه وقد راقت لي معانيها كثيراً والحقيقه انها هيضت المشاعر فأحببت ان اشيد بالقصيده وبقائلها من خلال إهداء قصيده متواضعه ... آمل ان تحوز على اعجابك

اطربني العرنين

[poem=font="Simplified Arabic,5,coral,bold,normal" bkcolor="transparent" bkimage="http://www.zahran.org/vb/images/toolbox/backgrounds/22.gif" border="none,4," type=0 line=0 align=center use=ex num="0,black"]
اطربني (العرنين ) بأبيات تنعـــــــــــــد = رتب على (المسحوب ) وافي صـــــورها
إحدى عشر بيتً غدت كنها عقــــــــــد = عقد العروس الي يطرز نحرهـــــــــــــــا
قصيدّة(ن) لو سمعها الطير غـــــــــــرد = والروضه الغنى تمايل زهرهــــــــــــــــا
قريتها وانتابني هاجس الــــــــــــــــــرد = ورحت اغازل حسنها واختبــــــــــــرها
لقيتها بالشعر تبرق وترعــــــــــــــــــد = سحابة بالحسن ... هلت مطرهــــــــــــــا
قلت اهدي العرنين باقة من الــــــــورد = إهداء.. لجل أبيوته الي ذكرهـــــــــــــــا[/poem]



تحياتي ومودتي