[عبدالرحمن العمري]

بسم الله وحدهـ



من جديد

[rams]http://www.alsh3r.com/files/3bdAlr7mn_al3mry/(22).ram[/rams]


[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=sp num="0,black"]
بانت سعاد و لا بقى غير التسلّي و الصبر = يا ملّ قلب ٍ لو تسلّى عن هواها ما سلى
عهدي بها يوم الخطيّه و الخبر يتلى خبر = كلّ ٍ على ما جاه من علم ٍ يأذن فَ الملا
واااحرّها بين الضلوع اللي كما نبّ القبر = في باطنَه سوء العذاب و ظاهره غضّ الكلا
من وين ما واريتها دُنياي قُدّت مِن دُبُر = يطلبني الحظّ الردي و الهم و اسباب البلى
مرّ ٍ يشاايم بي هواي معقّب ٍ حدّ (الضبر) = ساهي و مرّ ٍ يثني الهمّه خوار ٍ من (حلى)
من لامني ما لامني ربيه و لكنّه سبَر = حال ٍ بعَدها غوره ادناه إن تجلّى مَ انجلى
كسر ٍ تجبّره المُنى يبطي قواامَه ماا جبَر = و اللي يضيع مدوّر ٍ حااجه .. تعيس ٍ مُبتلى
مابي عليها حسرة ٍ لكنها لي مُعتبَر = لامن علاها ناظري عوّد حسير ٍ ما علا !!
شمّاا كما صَلْت ٍ مَلَى كفّ الشجاع المختبَر = غرّاا ترى فيما ترى منهاا شعاع ٍ مُصطلى
يسقي حلاياها حياها و اخضرَت بين الغبُر = لين اورقَت و اثمر حلاها هيبة ٍ في من ولَى
شِبر ٍ فرَقها قايمه .. تقعِد و يفرِقهاا شِبِر= ما كنّهاا من بنت حوّا .. لا .. و كلاّ .. بل .. بلى !!
لكنّ ربي صاغها بين الطفوله و الكِبَر = طبع الصبيّه في الدلال و حِكمَة البَرزَه .. كِلا
تقبِل و يسبقها من الورد و عبيره ماا عبَر = تدبِر و يتبعهاا ظلوم ٍ ما قلَته و ما قلَى
من خوفي افقِدهاا خرَمت لحدوَها حتى الزبُر = و اثري رسمت لضعنها بيدي طريق ٍ مُختلى
حظي و فيما جاد به حظي لحَسّاادي عِبَر = و اللي تصبّحني به الدنيا بعَدهاا .. ياااااا هلا
كل ٍ يموت و له جنازه من سرير ٍ في قبِر = الاّ المفارق ميّت ٍ يمشي بنعشَه فَ الملا !![/poem]

و سلامتكم