رد: @هبقه وقصيده@
ايام الشباب اقصد ايام زمان
شريت سياره اوزموبيل سبور جديده تلق ما ابغى احد يلمسها اخذها اخي بدون ما ادري وصفعه واحد على التقاطع
المهم جاني واحد قريب نسميه موسى رحمه الله وقال هذي سياره فخمه لاتوديها الا ورشة سيبيه لبن عاشور قلت
تم تم ودينا السياره وكنت اعتقد ان الاخ يعرفهم ولا تشارطنا قال بعد اسبوع تجي تاخذ السياره قلت تم تم
بعد اسبوع وعلى الموعد قلت : -
رحنا لبن عاشور لي عنده مطيه
من ضيع موسى لقيه
وجاني المصري ورد لي التحيه
شفت وجهي في التقيه
وقال لي سبعة الاف وسبع ميه
طار عقلي في شويه
رديت للمصري بهرجه مرتخيه
لا تعجل اصبر عليه
باروح انا للبيت واستنى المهيه
ما معيه يكون هيه
الفقر يتبعه المرض والشر زيه
انكوى قلبي بكيه
اضحك الامن جيت افكر في صبيه
وابكي الامن التهمت الي عليه
ياليت من له مالذهب مليون اوقيه
واهدي على من يسمع اقوالي التحيه
طبعا اخر الشهر اخذت السياره وبعد اسبوع صدمت بها فاعطيت واحد من الجماعه مفاتيحها
قلت نزل السياره المعرض وبعها وفعلا باعها بسبعة الاف ريال لاني حلفت ما عاد اركبها
طبعا انا ماني شاعر بس حقة هبقه وسلامتكم
|