اول شي
ياخوان ما يصير الي تسونه
لا تدعون على المسلمين بالدعاوي ذي
حراااااااااااااااااااااام ياناااااااااااااس حرام
بعدين ذي فلوسه وش الي مضايقكم
رجال تعب وافنى عمره يكون تجارته ويكون اسم
وانت واياه قاعدين تدعون عليه
سوو زيه بعدين تلكمو
روحوا سوو لكم شركات وكسروا عليه وانفعوا المومنين بدل مانتم قاعدين تحسبون وتدعون عليه
والله ماحد يتحرك حقين كلام بس
اهلين فيك اخوي شبيه الريح
المعذره منك كلامك مو صحيح
هذة اشاعات طالعه بالسوق بعد الازمه الماليه
ومنها الحمله الي طالعين فيها الحين
(((( خلوها تصدي ))))
ولو على كلامك كل الناس راحوا وطلبوا السيارات من امريكا
اليوم كنا في لقا مع عبدالله المجدوعي وكيل سيارات هيوانداي
وكان يتمحور اغلب اللقاء عن الازمه الماليه وتاثرها على سوق السياارات
تكلم جزاه الله خير واوضح كثير من النقاط الي غايبه عن بال عامه الشعب
او بالاحرى الناس الي ماتقرى ولا تستطلع بس تردد كلام الاخيرن
المعرف ان تسعيره السياارات يجي من الشركه للوكيل
فالوكيل ماله اي صله بهذا الشي
يهم يعطونه لمت معين من الارباح مثلا 10 % وهو يتصرف
ومستحيل انه يرفع السعر لان الزبون بيهرب من عنده لمنتج اخر
والمعروف سابقا ان المكاسب الماديه من صناعه السيارات ضيئله جدا
فالشركه لا تكسب اكثر من 15% من سعر السياره على اقصى تقدير
لكن الارباح لهم تكون في قطع الغيار وجانب الصيانه
هي الي تدر عليهم الارباح والا بيع السيارات مهو جايب همه اصلا
عشان كذا بدات تلاحض ان السيارات ما صارت بالكوالتي الي كانت زمان
يعني السياره ما صارت تخدم زي اول
والحمدلله السعوديه ودول الخليج لم يلحقها الا ظرر بسيط من الازمه العالميه
عشان كذا كل الشركات العاليمه قاعده توجه عيونها علينا عشان تعوض خسائرها في باقي العالم
والوكيل ماله يد في ذا
ماهو الا عبد مامور يدور مصلحته
والنصيحه الي سمعتها من اكثر من خبير اقتصادي سواء الدكتور السكران او الغامدي وغيرهم
قالوا بان الوضع الاقتصادي بيتصحح في عظن 6 اشهر
يعني ممكن يصير نزول بسيط في اسعار السيارات في الست الاشهر القادمه
وبعدا راح تكون فتره انتعاش في الاقتصاد
الكلام الي ملون بالاحمر انا ماتحمل صحته من خطائه لاني ماني متخصص بالاقتصاد
بس هذا الي سمعته منهم شخصيا بعد دراساتهم وابحاثهم
لكن على العموم الف شكر لك
واتمنى منكم انكم تتحرون عن الوضع ومصداقيته
وتحاول تاخذ الخبر من مصدر موثوق
الف شكر لك يا غالي