رساله ام ام اس
كم حلم في عيني توفى وانا اشوف
وكم لحظه حلوه قتلها زماني
من كثرها ماعاد يصيبني خوف
قلبي تعود موت حلو الاماني
مافي سعاده كامله شي معروف
بس القهر لا صار فرحي نساني
كني عن الفرحه انسان موقوف
والحزن ساكن في داخلي وكياني
لوني غدا من قسوة الوقت مخطوف
والجسم ناحل والخطاوي تعاني
اسرد معانااتي بكلمات وحروف
مضمونها مبحر بليا معاني
لاني قدرت اوصل ولا عيني تشوف
بر السعاده والفرح والتهاني
اهات من نار الهوى داخل الجوف
واهات من حظ حذا ما عطاني
الله واكبر يا زمن مالك وصوف
في عينك المظلموم بالحيل جاني
قد قيل ان الدهر عله صروف
وين الصروف الي بها شي ثاني
لا فيه لا بسمه لا امل حظ معكوف
مهما عدلته مال عود وجاني
معيوف يا خل هجرني ومعيوف
عمر مضى في صحبتك بالثواني
ابعد بعيد هناك الوضع مكشوف
يصعب عليك تحب وشوقي ضناني
اتعبت رجل في دروبك وانا اشوف
واليوم لك شكري لانك اناني
لو يذبل احلى الورد اخره مقطوف
لكن ذبل حبك لانك اناي
مع السلامه انطلق قيد مكتوف
راح وترك حلمه واغلى الاماني
[IMG]http://bollycard.********************************************/images/sweet26.jpg[/IMG]