[بعيدة المدى]

كيف تخليني وتروح وترتضى تحيا بدونـي
كيف هانت في عيونك دمعة(ن) في عين خلّه
يازمان الضيم لا تبعد به وارحـم جنونـي
لا تحرم القلب وصله (ولا تزيد الطين بلّـه)
ياإلهي ياإلهي انت فـي الضيقـات عونـي
طالبك ترأف بحالي وقلبـي الحايـر تدلّـه
همه كل يوم يكبر شايلـ حملـه متونـي
من بعاده نفس(....)زادها عافتـه كلّـه
يامقادير على غير الوعـد حلّـت بكونـي
لا ضوت قمره ولا به كود دمع العين اهلّـه
ويل حالي ياعساهم ما سلو عني ونسونـي
ياعساهم يذكرو منهو طريح(ن) في محلّـه
ياعديل الروح لجلك كل اوجاعـي تهونـي
لك مكان(ن) في فؤادي غيركم محد(ن) يحلّه
يارسول الشوق قله فيه ناس(ن) حمّلونـي
حبهم واشواق قلب(ن)ووصفه دقََـه وجلّـه