[علي السبيّه]

[align=center]فصيده من اوراقي القديمه


يااحفاد خالد وينكم القدس يصرخ من عنـاه
تجبـرو وتكبـرو فيـه اليهـود الغاصبيـن
.
هبّو وقومو للجهاد وحاربـو القـوم العـداه
الى متى يبقى رهينه فـي يديـن المعتديـن
.
ياثالـث البيتيـن واول قبلـةً لهـل الصـلاه
ياموطن الاعراج والاسراء لسيـد المرسليـن
.
شعب اليهودي ياعرب ظلمه وصل لامنتهـاه
ودنّسو ارض الانبياء وشرّدو الشعب الحزين
.
وش حيلت اطفال الحجاره ياعناهـم ياعنـاه
راحو ضحايا وارضهم عادت لهم قبر وكميـن
.
القدس له خمسين عامً يشتكي ظلـم الغـزاه
وش نعتذر لو سالنا عاالقدس رب العالميـن
.
المسجد الاقصى مناره عادت اهداف الرمـاه
الطاهر اللي دنّسته ايـد اليهـود الظالميـن
.
والشعب راحو من عناهم مثل شعر على المياه
والحومهم راحت غنايـم لليهـود الجايعيـن
.
وفتك عرضه واغتصاب ارضه وسفكً في دماه
والمجتمع الدولي المزعـوم عنهـم غايبيـن
.
في كل يومً مجزره تروي اليهودي من ضماه
وحال العرب تذرف له الدمعه وينداه الجبيـن
.
ايتام تتيتم وارامـل رمّلـت والشعـب تـاه
والموت يطردوهم وعادو للقـدر مستسلميـن
.
لاحول لاقـوه ولا صـوتً يلبـا لـه نـداه
تحت المذله لانصير مـن العبـاد ولا عويـن
.
مليار مسلم ماوراهـم فايـده مثـل الغثـاه
ياحيف يـاذل العروبـه ياهـوان المسلميـن
.
دارت علينا الدايره واخذ اليهـودي مبتغـاه
غصباً عن انف القاده اللي عاالكراسي خايفين

علي السبيه[/align]