[العرنين]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
كلمتين اقولها لك كان زهت لك ضنونك=ما يسهرني زعلك ولا باجي لرضاك حافي
وان تماديتي بغيابك كل ما فيني يخونك=ما علي من الظروف ولا يبكيني التجافي
لملمي حزنك وكذبك وامسحي دمعة عيونك=ما يحرك فيني ساكن لا ولا هو حيل كافي
والله لو قلبي وروحي وكل ما فيني يبونك=وان ترجوني اسامح قلت مر الصبر شافي
لعنبوا ابليسك انا اكبر من غلاك ومن شجونك=واضح وماني مزيف مثل ماي النبع صافي
صدقيني ما بكيتك ولا انطفا ضيي بدونك=كل مافي الامر انك موجه تكسرها ضفافي
غيمةٍ عدت وراحت ما تعطشت لمزونك=وان بغيتي وصف اكبر ما نقصتي قدر وافي
لا يغرك كم عرفتي ،،شي عادي يعرفونك=دام عرضك كان مغري وما بقى بك شي خافي
طيري بغبار السوالف لا سمعتي ( يا جنونك)=ليني للرغبات دامك لنتي لشباه القوافي
انثري نفسك عليهم داعبيهم في فنونك=دوري لك في الغرايز حب والا حضن دافي
اما انا والله ربي ما تعجزٌني حصونك=لكن اعلي نفسي عنها لاتلقت كل لافي
كلمتين اقولها لك دام زهت لك ضنونك=ما يسهرني زعلك ولا باجي لرضاك حافي[/poem]