[القناصه العالميه]

صيف هذا العام أسوأ صيف عشته في حياتي

باختصار اكثر........مررت بمرحله جدا حزينه
كنت عايش في صراع كبير من ذاتي لذاتي

كنت ضايق....... واشعر إني بعد ضيقت المدينه
كنت اخطط وانتظر صيف السنه هذي ..واحاتي

لجل اعيش اجمل "اجازه حب "مابيني وبينه
الحبيب اللي من أول كان اجمل ذكرياتي

وصار ابشع ذاكره في داخل اعماقي دفينه
كانت اشوى لو صدمني فجاه بغير امنياتي

ولا اموت بأمنياتي غدر من طعنه يمينه
ضيق الدنيا بعيني صدق ....واحترت بجهاتي

كنت اشبه ما اكون بحال قبطان السفينه
لا ارتفع موج البحر والريح هبت والتفاتي

كان عكس الاتجاه اللي يحسس با السكينه
راكبين اثنين عرض الحر والمركب مؤاتي

للغرق...او...واحد منا يضحي عن ضنينه
يعني كان الحل واحد ,,,يامماته ..يامماتي

البلا في ناتج الحلين... اموت من الغبينه
قال وش الحل ؟ قلت التضحيه من واجباتي

لازم اضحي عشان اعطيك بعض الطمانينه
قال افرض لو خذاك البحر ..قلت "أعلن وفاتي"


قول : مات فلان لجل اعيش ..والمولى يعينه
قال : طيب ..لا رحت شلون بتهنى مباتي

قلت :فكر في رجوعي بس .. وانطريني لحينه
وانتبه تنسى وتكفي كل شي الا...وصاتي

انتبه للقلب ..قال :في ايدي امنيه
قمت اودعه بسكات ودمعتي تشرح سكاتي

وما ذبحني ضيق الا يوم انا اقبل جبينه
وارمى نفسي في البحر واختل في موجه ثباتي

والبحر لبعيد اخذني وصرت لامواجه رهينه
لكن الله مد في عمري ....ونجاني بصلاتي

ماوعيت الا وانا ما بين شط ومابين طينه
والحبيب اللي نجا ...ماكان متوقع نجاتي

جيت من بعد الغياب المر .....ادور عن حنينه
مالقيته في المدينه وانشغل بالي ...واحاتي


ورحت من باب انشغالي اسا الجيران ..وينه؟
قيل :سافر في "اجازه حب" دام الصيف آتي


جاه غيرك ياخذه من قبل يومين بيدينه
وقتها دنقت راسي حزن .....حسيت بشتاتي

وقتها حسيت نفسي طفل ....اهله بايعينه
وش حصل لابن اللذينا ؟ وإلا انا وش هي سواتي؟

ماتقول الا كاني ذابح له ....والدينه
ذا...وانا اللي لجل عينه ما بخلت بتضحياتي

والقهر ... لابارك الله فيه .....مابين بعينه
دام حتى ما حفظ لي عشرتي واحسن جزاتي

واش برجي منه ؟لابو عشرته ...لابو سينينه
رحت بيتي ..مامعاي إلا اقلب ذكرياتي

واقفل الغرفه علي ....واسمع اغاني حزينه
لجل ذلك كان هذا الصيف الأسوأ في حياتي

لجل ذلك كنت اتعس شخص عايش في المدينه