[محمد الخضر]

مساؤكم شعرا ,,

قصيدة كتبتها بواقعي المر الذي اشعر به ,,,


فجر الامل

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


غفت عين السراج وفاق ليلٍ (( بشته )) الديجور=متى فجر الامل يفهق دجى ياسي وديجوره
رسمت الحلم في وجه السحاب الهايم المنثور=تزبَر وانحنى يروي كؤوس الوادي وغوره
ألم غربة يسيل بـ (جسر) جرحي والعروق جسور=تلمّ بداخل الصدر الجريح احزان منثوره
على ((جرف الظلام)) ارجي الضحى يرمي حبال النور=واشوف الغيمه تكفِن سراج الضاوي ونوره
تشجَر يا خصيب الصدر ,, ومزون الفراق تثور=خيولٍ دبكها (( وبل الجروح )) ,, بصدري تثوره
على صهوة عجاج الحزن اركض والامل مدثور=ويصدح بي صدى جهش الرعد ويبح حنجوره
تفجَر في دجى صمتي بروقٍ تشلع المستور=تجره في غمام الدمع وتهله من صدوره
تناثر نوضها من كف غيمٍ جامحٍ ممطور=على روض العتيم اللي تدلَى الفجر بـ (زهوره)
ألملم ما تناثر بي واسير وخاطري مكسور=ويتلاطم بصدري موج حزني بـ (ثورة) بحوره
كذا قيده كتب في صفحة ايامي عذاب وجور=إلى أن جفَت اوراق الكتاب وضاقت سطوره
ترى يا صاحبي ما عادت اقفاص الصدور قبور=تثور افواهها وتجر سرك خارج قبوره
نزيف الجرح يسبح في خدودك والدموع تفور=ورجوى شكوتك له : يبهجك في طلة حضوره
لو تسيل السما وبلٍ وتروي القاحلات البور=لك الله ما ظهر نبتٍ ولا بانت به جذوره
تناسى علَها زلة مصيب وما تهز السور=وإن طاحت غصونٍ من ((جفا)) ما طاحت طيوره
يطول الليل ونجوم الجروح تلوح بالديجور=متى فجر الامل !,, (( يشنق)) دجى ياسي وديجوره[/poem]
تحياتي ’’

محمد
سعيد
الزهراني

,,,,