[العرنين]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
في واديٍ والريح تلعب بالاعصاب=ازريت اشوف الدرب والليل حالك
تكيت بايديني على حفرة الداب=يا داب علمني عسى الطيب فالك
كنت احسب انه يوم وراني الناب=قصده يعلمني على درب سالك
ومديت يدي قلت له خلنا اصحاب=مادام مسرانا في ديار مالك
خلك تعلمني واعلمك باحباب=سروا بليلٍ في ظهور الكدالك
اقفوا وانا في موقفي ارقب الباب=عسى الذي شفته عسى ما ينالك
يا داب قلبي بين رمشين وحجاب=رمشين حد السيف ماهي ببالك
تحرس عيونٍ تنذكر ضمن الاسباب=في موتة الرجال لاقيل هالك
يا داب انا بسألك عن قلب ماطاب=وان كان سمك به دوا ما باسالك
قلبٍ غدت به نظرة كنها شهاب=في ليل مثل الليل لا لي ولا لك
واثر الحنش ما يعترف بامر الانساب=ولا افتكر في قول خالي وخالك
غرس بنابه في مساقيم الاجناب=وزوٌد العله بعله كذلك
وامسيت انا في وادي الموت منصاب=من طعنتينٍ جات ماني بفالك
يا داب ما جيتك مدور للانشاب=يا غاديه في ليل مالي ومالك
يا صبح لا تصبح ويلمحني غراب= يا ليل لاقفيت خذني حلالك
يا قلب لا تبقى بهالوقت مرتاب=يا نفس وش ترجين موتين جالك
الموت واحد بس تتعدد اسباب=موتٍ بسيف او سم يجري خلالك
يا شينها لابت ما بين الاغراب=دابٍ ، وليل ، وخل حرم وصالك
ولا بيٌدك لا عصاة ومشعاب=ما غير صوره ما تفارق خيالك
في واديٍ والريح تلعب بالاعصاب=والدرب ما تعرفه والليل حالك[/poem]