[عابرسرير]

[align=right]السلام عليكم ...

يمكن انتوو استغربتو من اسم الموضووع...

لكن بتعذروني عليه ...

صحيح اني ماافكر في الزواج في الوقت الحالي...

مع انه ميسر لي كل شيء والله الحمد...

لكن ليش ما اتكلم على لسان هذولا الشباب المساكين...

او بالأخص اتكلم بـ لسان اعز صديق لي(الله يذكره بالخير)...

بس قبل ما ابدء كلامي بس بعلمكم احصائيه جديده...
45 % من الشباب السعودي يتزوج من اجنبياات...
و80% من الشباب السعودي يروحون لـ سوريا +دبي+البحرين+اندونيسيا
وانتو عارفين ليش..؟؟..
ومع تغلب النساء على الرجال بـ الكثره ...
يعني بنشوف عنس كثر النمل...


وهذا الكلام مخصوص الى الاباء ...

كلنا نعرف ان الدين تكلم في كل شيء حتى دخول الخلاء (اكرمكم الله)والدين يسر لنا كل شيء في هذي الحيااة ومنها الزواااج ...

ولكن نحن ثقلنا وعسرنا على انفسنا والاهل في مصاريف الزوااج في هذي الايام اللي هي اصبحت خياليه لدرجه غير محدوده...

يعني اذا اراد الواحد يتزووج اقل شيء يكلفه زواجه 100 الف ريال...
وان كان الاهل تكفلوو بكل شيء من الخطبه الى الدخله فـ هذا يريح الشاب شوي ويتعب الاهل وكيف اذا كان عند الاهل اكثر من ولد يعني لو نقول عندهم 5 اولاد وكل واحد بينهم راح يتزوج بـ 100 الف ريال يعني 500 الف ريال على شان يزوجهم كلهم...

طيب الحين نرجع لـ الشاب اذا كان هو بيتكفل العرس بكل شيء فيه ...
يعني اذا كان راتب الشاب بين 3000 الى 4000 ريال اقل اقل شيء راح ياخذ 6سنوات على شان يجمع 100 الف ريال وهذا اذا كان متباخل على نفسه ...

يعني لو ان الشاب جالس يجمع من عمره 24 سنه وجلس 6 سنوات يعني الاخ مراح يتزووج الا في الثلاثين من عمره والله ياناس غبنه...

طيب نقول انه اخذ سلفه من بنك أو من بعض اللي يسلفون اللي هابين فيهم الناس...
يعني لو المهر كـان 60000 الف ريال او نقول 50000 ريال والله اغلبها ترووح لفساتين ماتلبسها الا مره وحده ..!!..
وبافي المهر يروووح على مكياج والطقه البايخه والله قهر يانااااااس...

ويالله خذ لك تسديد الدين اللي اقل شيء ياخي 5 سنوات ...
لو نقول راتب الزوج 4000 ريال واطرح 1000 ريال قسط البنك و1000 ريال اجار الشقه ومو باقي من راتبه الا2000 ريال كيف بعيش زوجته هو بـ 2000 ريال 4سنوات كيف ؟

ترانا تونا ما انتهينا باقي فاتورة جواله وجوالها اللي هي1000 ريال مصاريف السياره زيت وبانزين سيارة 500 ريال فلووس للمطبخ والثلاجه 500 ريال وخلصت الـ 2000 ريال طيب لو طب عليه احد زي ابوه او اي ضيف؟ طيب وش يسوي لو حرمته او هو جاهم ظروف للمستشفى؟ ولا اقول لك وش بيسوي بـ فاتورة الكهرب والماء يلعب فيها اكس او؟ طيب لو خربت السيارة او صدم فيها وش السوات؟ طيب وش يسوي اذا كان يبي يعتمر او يحج؟ وش يسوي لو حرمته تبي تروح؟وش يسوي لو جاه واحد غثيث اسمه ولد في هذا الوقت ؟كيف يصرف عليه؟ وانا نعرف اكثر صرفيه هو الولاده...كيف بيصرف هاه كيف ..؟؟..>عصب

طيب الحين سؤالي لمعشر الأخواات الشاعريات...

كيف تبون الزوج يحبكم ويراعيكم وانتم سبب في حالته الصعبه ...
والله في نص الشهر بيطلع شحاااذ...
طيب لو نقول انك ماتهتمين الا بنفسك كيف ترضين بـ هذي العيشه..؟؟..

لا و الله لن يحبك بعد هذا بل وسيبحث عن أقرب فرصة لكي يتخلص منك لكي يتخلص من معاناته...

ياناس ترى الحال تغير والعيشه انقلبت يعني تلقون الشاب حلمه يكون راتبه 7000 الاف ريالوغير كذا فيه شباب ماعندهم وظيفة اصلا ً ونجي بـ كل بجاحه نطلب مهر60000 ألف وغير الزواج الرخيص اللي يوصل الى 20000 ألف ولا وطالبين انه يوديها شهر عسل اقول والله حدهاا صنعاا نصيف فيها فوق جبل ...

كيف احنا نطلب من اشخاص مهور ومرتباتهم مابين 2000 ريال الى 5000 ريال مهر مابين 60000الف إلى 50000الف وغير الشقه اللي يتطلبون فيها نبي كذا وكذا... بعد هذا كله تسالون ليش تزيد حالة الطلاق وليش تعنسو بناتنا وليش كثرت معدلات أعمار البنات في الزواج وليش الشباب يسافر للخارج ..؟؟..

وتعال ياللي تبي تطبق الدين... الرسول صلى الله علية وسلم زوج صحابية من صاحابي وكان المهر ان يحفظها ثلاثة أجزاء من القرآن بعد أن قال الصحابي لرسول انه لا يملك شي هل قال له الرسول هذه بنت ناس أو هذه صحابية رح تسلف .. هذا هو الدين اللي نعرفه وتعلمناه أما الحاصل هذه الأيام في الزواجات فان الدين برئ منه ...>من جد

وماهو مهر أم سليم التي قيل عنه ((فما كان هناك مهر قط أكرم من مهر أم سليم ))
وبعدها نصوص شرعيه كثيره تحث الرجال على عدم المغالاة بالمهور،وأكثر النساء بركة أقلهن مهراً كما أخبر النبي صلى الله عليه وسلم ولقد زوج النبي صلى الله عليه وسلم بعض الصحابة على خاتم من حديد،والبعض بسورة البقرة...

واللي يقهر ان الزواج في الغرب أسهل منى وأيسر بس كل ماعليهم ان الرجال و الحرمه يتعرفون على بعضهم ويدفع لها أو هي تدفع له ما يقدرون وفي اغلب الاوقات لا يدفعون ايش شيء بس الحب يجمعهم ويدقونها رجليه إلى الكنيسة على شان يتزوجون شفتو السهوله...

الخلاصة...
1-قبر الشاب في مقبره الزواج...
2-انسي الحب لأنك انت سبب ضيقه صدره...
3-حياااااتك مئاسي
4-الوالد الله يصلحه رمى بنته في الجحيم بس على شان كم الف...
5-بعد عشره ايام راح الراتب...
6-تأجيل تأجيل تأجيل لـ الاولاد...
7-لا ينطبق عليك البركه لأن مهرك ما شاء الله كبير...
8-الزوج يحاول التهرب الهموم بـ اشياء اما المخدرات او حريم فاضيات...
9-انك رضيتي انك تصبحين سلعه تنباع بـ القذاره اللي هي الفلوس...
10-بعد كل هذا التعب ارجع لبيت اهلك مطلقه...وتيتي تيتي مثل مارحتي مثل ما جيتي...
11-خلوو بناتكم لكم...


ملاحظة: وضع الموضوع للنقاش الهادف وأرجو بأن لايتجاوز الحدود ..

كافة حقوق الموضوع الفكرية واللي مدري وش يسمونها تراها راجعه لي مهما راحت سواء قبل التعديل او بعدهـ ..

واللي يلقى الموضوع في منتدى ثاني ترا هو موضوعي اساساً وأنا اللي كتبته في اول منتدى لي (منتدى اخر) بتاريخ 7 - 1 -2005 الساعه 4:30 صباحاً..

يعني لاحد ينقل الموضوع ويقول انا كاتبه لا اتوطى ببطنه تراني علمتكم ... [/align]



أخوكم / عابراحمدسرير