ياشباب هدئوا من روعكم
السالفه أكبر من ما تتصورون
أنا على معرفه بما يدور داخل أروقة مستشفى الملك فهد بالباحه
الحين تجي للمستشفى الصباح تكره أم المستشفى
زحام وإنتظار حتى المدخل الرئيسي شوفو كيف صار
المهم مالنا في الطويله
إلا بالمناسبه أحد يعرف ليه تحول المدخل الرئيسي للخلف؟
أنا أقول لكم
عشان مشروع إنشاء البرج
وليه البرج عشان أنت وياه تدفعون فلوس
طيب فهمنا وبعدين
نبي نعرف ليه المعامله السيئه؟
أنا أقول لكم
فيه شعار طبقته وزارة الصحه مشكوره وهو
المعامله الحسنه لا تحتاج إلى إمكانيات
وبالنسبه للباحه أنا أقترح
المعامله الحسنه خارج نطاق الإمكانيات
الحين زي ما قلت الصباح تجي تكره المستشفى واليوم اللي جيت فيه للمستشفى
لا وتدخل على الطبيب بعد طول انتظار
ويقلب صفحات الملف بدون نفس
ويقول هاه وش تحس فيه ازين من اول
وتبدأ تشتكي له الأعراض وهو أصلا قاعد يكتب لك علاج
نفس التركيب ولكن بمسمى آخر أو شركه أخرى
وأحياناً يقول ترى ماتلاقيه إلا في الصيدليه الفلانيه
لأن بينه وبين صاحب الصيدليه نسبه
مع إن وزارة الصحه صدرت قرار يمنع على أي طبيب أن يكتب للمريض دواء ليشتريه من خارج المستشفيات
ولكن المريض مسكين يتعلق بقشه وعلى باله هالعلاج هو اللي بيشفيه
والشافي المعافي هو الله سبحانه وتعالى
الأطباء السعوديين حدث ولا حرج
كل من درس برى وجاب شهاده قد لا تكون معتمده أصلاً
نافخ راسه تقول راس تريله مو راس ادمي
ومو شايف احد معاه بشئ
بعكس المستشفيات العسكريه
سبحان الله وجدت عندهم أخوه وإحترام للكبير والصغير
بالنسبه للعمليات القيصريه في مستشفى الملك فهد
فأنا قد قرأت تعاميم سريه بقسم طوارئ مستشفى الملك فهد بهذا الشئ
وأعتقد أنتم تدرون بهذا الشئ
مانقول غير
الله لا يحوجنا ولا يحوج المسلمين على ذا المستشفى
تعليق أخير
كل المستشفيات كتب على المدخل
(وإذا مرضت فهو يشفين)
ولكن مستشفى الملك فهد قد كتب بالصاله الرئيسيه
(كل نفسذائقة الموت)