[~~سحر انثـى~~]

قصيدة آلبيبسي// لفآلِح آلدهمآن آلظّفيري



حرام ياشيـخ لـو تقرألـى الكرسـي
من طلعة الشمس لين الليـل يدمسهـا

ماشفت بى جن لكنـهـ مـرض نفسـي
حالـهـ ولــــآعـن جـد خــامـسهـا

هـواى عفريّتـن وعيونهـا الخرســي
ماشفتهـا لكـن أهـواهـا وأقدّســهـا

حين اهمست لى بكلمهـ رحت من أمسي
واليوم روحى رهينـه فـى محابسهـا

كنى بحبسـى وكنـى مانـى بحبسـي
مسجون مطلـوق ماخـوذ بوساوسهـا

ان هب ريح الجنوب اهب لهـ عكسـي
واليا اعتلت نجمـة الجـوزا أجالسهـا

والبعـد قتّـال يابعـدى ويـا حمسـي
كـذا أغنـى ونـار النـار مونسـهـا

ليت المدامع دمى ليت الحشا ضرسـي
ماكان كبدى لهيـب الشـوق حامسهـا

لا العين تصبح ولا هى بالمسا تمسـي
متخالفن مع عيـون الخلـق حارسهـا

والله ما أشرقت والا أغربت شمسـي
الا وأنـا عبرتـى عبـرات حابسهـا

هو فيه بالناس من لونى ومن جنسـي
ياشيـخ فـى حسهـا والا هواجسهـا

مانى بمجنـون ذا عشقـى وذا حسـي
والمعرفـه علمهـا عنـدى وأدرّسهـا

فرّاس أقرا عيـون النـاس وبحدسـي
أقلّـب قلوبهـا واكشـف دسايسـهـا

قليل صادفت مثلى مـن بنـى انسـي
وعقول ماينتمى لـك فكرهـا سسهـا

خاويت حيوآنـها فـى العالـم المنسـي
والجـن ماشفتهـا لـولاى حاسسهـا

أيام صلّت وراى فروضـى الخمسـي
والطيـر والـداب والنمـل بمتارسهـا
كم ليلتن موترى فـى ليلـي الدمسـي
على دروب السفـر نجـم بخرامسهـا

مريت فيه بمضـارب عنتـر العبسـي
حتـى تعديتهـا لـديـار بطرسـهـا

ومنين مارحت حنـا فـى نيوجرسـي
الآرض صـارت مساجدهـا كنايسهـا

نذوق مـر الزمـان بعلبـة ـآلبيبسـي
ونعيش عصر الهزيمه فـى ملابسهـا

ساءلـكـ ياشيـخ بالعبـاس والمرسـي
انك اتغنى معى واليـا سهيـت اسهـا



ممـآ أعجبنــي ..