[بنت عز]

[align=center]قبل أبتدي عندي طلب ركِّز طلب ماهو " رجاء " !
مـا أبي تجاوبني .. ولا تستغرب إني أسألك


لا تعتبر جمر الحكي من شاعرك يعـني " هجاء"
لو كنت بهجي حضرتك ما خفت منِّك .. قلت لك!



هذي القصيده مصنِّفه في دفتري قصة " رثاء "
حبٍ يمـوت وتنولد .. وحبٍ يعيش ويقتلك!



ناديت لك ياما .. ولا لبِّيت لي , وضاع النداء !
مبحوح صـوتي والصـدى من كثر مـا ناديتلك!



أقرب مـن ثيابي عـلي وأبـعد من نجوم السماء
ورغم إبتعادك والتعب ..أرسم طموح وأمهلك ..



ما كنـت لي الداء وأنا ما كنت ل جروحك "دواء" ..
ما عشت في دنياي لي !!عايش ولكن عشت "لك" !



علمتك القلب الوفي .., ما يخذلك فيه " إنتماء " !
وعـلمـتـني كيفالعـشم في من تحبه ....يخذلك!!



علمتك إن أصل الهوى يرجع ل كلمة " إحتواء " !
وعـلـمتني إن الـهـوى , مـا عـاش يـوم بداخلك !



علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..سـاحلك!



ما تستحي ,, ودامك كذا ؟ - إفعل حبيبي ما تشاء!
توِّي عرفت إنِّي كثر ما أعْـرِفِك .. كنت أجهلك !



ما كان قلبي بس لك وقلبك لعب دورالدهاء !
وما كنت لك أقرب من أنفاسك وأقرب من هلك؟!



ما عاد تفرق غيبتك أو رجعتك .. عندي سواء!
كنت إهتمامي ورغبتي .., والحين دوري أهملك !



لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !



إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك!



قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز على " مستقبلك[/align]