[ذيــبــه]

السلام عليكم ورحمة الله وبركااته ...

طرح ما اقول انه مميز ولا راح امدح ولا اذم ..لانه واقع نعيشه ...صعب تحدد هل هو مشكله ..أم لاا...

اخي الكريم ...

غلاء المهور مرفوووض بتاتا ..انا بنت واقول هالكلام ..بس مايعني تتزوج ببلاش انت وياه >>> خربتها ..

ازعجتني الاحصائيات اللي ارودتها كمقدمه ..

اقتباس: 45 % من الشباب السعودي يتزوج من اجنبياات...

الزواج من الاجنبيه لايقتصر عالشباب فقط ..لاتنسى المتعددون ..وهالنسبه الفضيعه مباالغ فيها ...

اقتباس: و80% من الشباب السعودي يروحون لـ سوريا +دبي+البحرين+اندونيسيا وانتو عارفين ليش..؟؟..

من قل الدين .. مو من غلاء المهور .. لاتنسى قوله صلى الله عليه وسلم : [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء].

لكن البعد عن الدين هو سبب انحراف الشباب والبنات ..

اقتباس: ومع تغلب النساء على الرجال بـ الكثره ... يعني بنشوف عنس كثر النمل...

أجل صرنا كثر نمل ...>>> ناويه بنيه ..

للأسف يا اخي الكريم طرحت الموضوع من جهة واحده ..اللي هو كونك كـ شااب ...

وأنا معك ..

في الساابق ..ولاحظ كلمة السااابق ... كانت المهور مباالغ فيها .. لدرجة توصل 200 ألف..>>>> ليتني لحقت عليها

وكثرة المهر ليست دلالة على مكانة البنت ..ولا على محبة الزوج لزوجته ...

وهذه الظاهرة اندثرت ولله الحمد ..

بس البلا مو من المهور الحاليه ..المهور تقريبا الأن بحدود الـ60 وتحت ...

المشكله من مجتمعنا اللي يبي ويبي ..وبالنهايه .؟؟؟ .. بيدي لابيد عمر ..

يعني ... البسااطه بكل شي مطلب ..سواء من الشاب او اهل العروس او كمجتمع ...

للتوضيح اكثر ..

لو دفعت الأن مهر بنت بـ50 ألف .. وش تجيب لها هالخمسين ؟؟؟

كل شي الآن بإرتفاع ..ومن منا لم يتجرع مرارة غلاء الاسعار ..حتى في اتفه الأمور؟؟ ...

ناهيك على قاصمة الظهر ( الذهب) وصل سعر الجرام 100 ريال قاابله للزياده ...

والكل عارف تجهيز العروس مو سهل ...

بس لو كان مجتمعنا مبسط الامور ...ماصار فيه مشكله كبيره ..

لو ألغينا الذهب اللي من عهد جدي هالعاده ..والملاحظ ان اغلب البنات مايحبون الا الاكسسوار ..ومو مشكله لو تشتري ذهب خفيف ...
بس عندنا ناس ودك تقص ألسنتهم,,, ( فلانه ماشرت ذهب يجمل ..ابوها اخذ من مهرها ..و...والخ )
تقريبا الذهب راح يكلف عالاقل 30 ألف ويادوب ..مع هالاسعار .. وش بقى للبنت تكمل اشيائها؟؟

حوالي 20 ألف .. يعني نقول لو المهور على 25 بدون ذهب (يجمل على قولة العجايز عندنا) ..جدا مناسبه >>>> مناسبه للوضع الاقتصادي ..

ثاني شي ..العريس لو على افتراضيتك انه جمع 100 ألف للزواج ...

متلاحظون شي؟؟ الرجال مسكين وراه بيت يأثثه وسياره .. عالاقل >>>> إجبااري ...

ناهيكم عن القرض اللي بيسلخ جلده بسبب هالزواج ... ونقول لاازم ..اصبر مالها الارجالها ...

بس اللي مفور دمي ..حفلة الزواج ..هذي لاتحطونها براس البنت مسكينه ..البنت حدها المهر وخلاص ...

انتم كشباب ..ليه تتكلفون بالزواجات ؟؟

مع ان اقل شخص عندنا لو ماجاب فرقه وخرابيط ..راح يذبح العدد الفلاني مو اقل من 30 راس ...حتى الخرفان طار سوقها ...

ليش هالبذخ؟؟ لازم تعزم كل جماعتك؟؟ خلاص الزواج خلوه مختصر ووفر مصاريف الذبايح اللي تقص الظهر بأشياء اهم ..

يعني يوم الزواج اضافة على اجار القاعه ..والعشا...تقريبا تكلف 40 ألف ...

وش حدكم ؟؟

تبغون تخفضون من جهه.. وتسرفون من جهه ثانيه ...

المسأله كلها تجي وتروح على التبسيط ..لا التعقيد ..

والمجتمع لما يكون وااعي لهالامور ..راح تنحل المشكله ...

لكن ... لاحياة لمن تنااادي ...

دمتم بود وسلام ...