[بن عجلان]

[poem=font="Simplified Arabic,4,#000000,bold,normal" bkcolor="" bkimage="images/toolbox/backgrounds/25.gif" border="none,4,#400000" type=0 line=0 align=center use=ex num="0,#400000"]

بسم الله الرحمن الرحيم
حبينا نارك معكم بهذه القصيده عسى تعجيكم

عاد عيد الناس وين انت ياعيدي = كل ما توعدني اخلفت ميعادي
والذي رفع السماء ماكسر قيدي= بعد عقده غير شوقي للجوادي
ود بالــــوحده وجوه المناكيدي= كل وجه في المواجيب مرادي
الـــــيالي كيدها يصدع الحيدي= الجبال الـــــــراسيه منه تنادي
وردتني صافيات المـــــواريدي= ثم صدتني وانا ضامي صادي
ليتها تصريف بصري وملك ايدي= كان فريت الزمن فـرمن بادي
واجعل ايام السنه كلها عيدي= وأنت ياعـيد الشقاء يومها العادي
واقلب البيداء بحروالبحربيدي= وانصب الوادي جبل والجبل وادي
واترك الامال من دون تقييدي= وأضهرالافراح فالحظروالبادي
هذي امالي وغاية مقاصــــيدي= خير مافــــيها نذاله ولا احقادي
وش يفيد الي ملا قلبه الكيدي= منه غيرالا التعاسه والانكادي
اخرتنا تحت صم الجلاميدي= حيث لايفرق رعيه من اسيادي
قبظة الي يبدي الخلق ويعيدي= مجري اقداره على كيف مارادي
له تسابيحي وحمدي وتوحيدي= مخلص(ن) اعلنت وسررت افرادي
والصلاه على النبي ابن الاماجيدي= الامين الصادق المهدي الهادي
رب ثبتني على الحق لا احيدي= والستر والرزق ياخير من جادي
انت من جودك يجود الاجاويدي=اغنني يارب عن كل نقادي
قيدتني سود الايام تقييدي= حيث مابدي ريت حضي الردي بادي
كن في صدري لهيب المواقيدي= تتاوقد من لضاها شوى اكبادي
لاتهيا خاطري للاناشيدي= قمت اباشرها مع كل ميرادي
لي تهل ازواج وإلا مـفار يدي= خذت شفي والبقيه لمن صادي[/poem]