علاج زهق البنات
للبنات فقط ؟ طريقة علاج الزهق !
هذي وسائل لعلاج الزهق داخل البيت ،
وعلى فكرة تراها للبنات ..لان الولد اذا زهق ركب سيارته او دبابه وانقلع يفرفر
--------
1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة
2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟
3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة
4-امسكوا المسجل..ودوروا فيه بالبيت وسجلوا اصوات العائلة وهم يتكلمون
5-روحوا السوبر ماركت
6-امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)
7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)
8-امسكي منشفة وفكي الشبابيك ونظفيهم >>>>>>>اتحدى احد يسويهااااااااا
9-سوي عصير برتقال واشربيه ؟؟؟
10-اذا زهقتوا احفظوا دويتو لاي مطربين (مثلا لراغب علامة واليسا) واقعدوا احفظوها وبعدين سكروا المسجل وغنوا الاغنية لوحدكم ..تراها وناسة>>>>>>>>عاد ياعيني على الاصوااااااات
11-اقروا مجلة اطفال (ميكي وماجد)
12-البسي ملابس رجال وخوفوا اهلكم !!
13-خذوا المسجل وسووا مكس لاغاني؟؟؟؟
14-افتحي نوتة التلفونات واختاري ارقام من العائلة ودقي عليهم وسوي حركة صلة رحم..
15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم
16-روحوا مواقع بطاقات وكاردات وارسلوا لصديقاتكم ..
17-الفي مسجات موبايل ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..
18-ادخلي غرفتك وحطي مكياج كامل كانك رايحة لعرس واصبغى وجهك بصبغ وتصوري ..حركة صح؟
19-هههه امسكي دفتر تلوين اطفال واقعدي لوني ..
20-اذا زهقتي افتحي دولاب ملابسك واقعدي قيسي ملابسك بدلة ورا الثانية< يمكن يجي الصبح ماخلصتي من كثرهم
21-روحي المطبخ سوي كيكة (هذا وجهي اذا احد اكلها)
22-سوي ايميل جديد واقعدي العبي على اللي تعرفينهم ..
23-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا عليهم
24-اركبي السيارة وهي موقفة في البيت وكانك تسوقين
25-اطلعي وانزلي الدرج عشرين مرة .. منها تتمشين ومنها تنحفين< ذبحتكم القعدة والفضاوة
26-اقعدي على الكومبيوتر >>>>>>>>>>> هاذا احسن حل
27-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<<<<والله من العطف عندكم يالبنات
28-خذي مجلات قديمة واقعدي قصقصي صور ولزقيها بلوحة (بتطلع المواااااهب)
29-اطلعوا حوشكم ..والعبي كورة..وكسري انوار البيت
مع تحيات جمعية رعاية الأيتام بعقلة الصقور وعلى المقيمين خارجها مراعات فارق التوقيت..عابرسرير