[هريري]

((( هذا علمي وسلامتكم يالربع )))

....
...
..
.

خبطت سيارتي يامسلمين

ش العمل ..

وش اسوي ...

أختلط ماها على زيت المكينه

وارتفع صوت المحرك في حنينه

وش حصل .. ..... ماني عرف وش حصل

فجأه جا فيها خلل

كنت رايح لدوام من صبح ربي..

ماشي في حالي وماشي ع المهل

ما انتبهت الا وامبير الحراره مرتفع

لين حرف الإتش ........ ع الآخر طلع ...

وآتبحلق في المؤشر ......... وانفجع

قلت يالله خير في هذا الصباح

شكله الماطور والله فيها راح ..

لان ريح أقزوزها في خشمي فاح

وانقفل عندي المزاج .. مره مره أنقفل

وش حصل ؟؟؟ ماني عارف إش حصل

قلت يالله يامعين ..

يامؤمن روع كل الآمنين .... بس واجنب ع اليمين

وافتح الكبوت ألمح .. ويش افتح .... ويش ألمح

الله لا يوريكم واكحكح ...

واقعد اكحكح واكحكح..

لين بغت عيوني تخرج .. لين ماقربت آتسطح ..

وش اسوي بس ياربي .. وش أسوي وش اسوي ..

آنا اوقفها واروح .... والا أشر لي ع تكسي

قلت لا هذي ولا ذي .. ويش الحل ؟

بس واركبها وافحط ... لين وصَّلت العمل

عجعجت دخانها

وارتفع ونانها

وانا برضي ماني عارف ... وش حصل

والله واركن بالمواقف ... وانا متذمر وقارف

كل يومي ذاك عايف

لاني اصلاً ماني عارف ........ وش حصل

هو صحيح ان المكينه خبطت

.. والا هو عقلي الخبل

بس واخلص من دوامي .. وانا ادرعم كالحمش

وآخذ السياره على طول الورش

قابلوني ذا الهنود..... كانهم شلة قرود

يوم ترمي أكل من حولك تغير

سلمهم سلم القرود .... حين يلقفها الكبير

وابتسم بسمه بريئه .... لازماً يعني ابتسم

زي ماقال المثل .. ان كان لك للكب حاجه .. قله سيدي

وبوس أيده .. حتى لو ماقال لك ...... بوس أيدي

المهم .. شالوا السياره وقاموا يفحصون

ويحققون ....... ثم لحظه يبرتكون

وانا ياعني ... ولا هم يحزنون ..

قاعد اتحرى خبر سيارتي .... منتظر لي رد

كاني في مستشفى الولاد .. انتظر جيت ولد

ثم بعد الإطلاعه ... جاتني ذيك انفجاعه

يوم قالوا لي ..

يوم قالوا لي ..

يوم قالوا ياجماعه ..

هازا في حقك مكينه .. هو في خبط صديق

وانا احس بصدري ضيق .. وبعدها نشفان ريق

ان لله ولا حول ولاقوه .. إلا بالله العظيم

أعوذ بالله من الشيطان الرجيم

خبطت سيارتي .. يامفرج ياكريم ..

قلت هيه ناقصه .. بعد الاسهم والديون

والذي منه ...... كماكم تعرفون ..

هيه يعني ناقصه ..

حنا ما صدقنا على الله إنا شمينا نفس

عاين المنحوس نفسه في المرايه وانتحس

ان لله وإنا إليه راجعون... ياعساها بس تهون

ما ني حاسبها ولا عندي واخاف ..

زي ماقال المثل

مد رجلينك على قد اللحاف

ثم بعد الإستشاره .. وركعتين الإستخاره

قلت يعني دامها متخبصه ...بعد ماظاع المكوش

..ياعسى ماحد حوش.... ماهي في حقي خساره

آنا قررت اشتري لي ..

أشتري ليه حماره ..