[علي الحسني الزهراني]

من القديم وجديدة هنا


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

تشتت مفرداتي ضاق بي كل قاف = ماعاد شعري بشعر ولا حروفي حروف
أحيان حتى الذي حبيت ودك تعاف = واحيان من تكرهه ودك لزوله تشوف
واحيان من كنت خايف منه منك يخاف = واحيان من لا تخافه يذبحك منه خوف
واحيان تغرق وتشكي من لهيب الجفاف = تهلك ظما وانت من حول السواقي تطوف
واحيان لاشتد جوعك تلتهي بالعفاف = تخاف تجني الجنان اليانعه بالقطوف
بين الرخا من سنينك والسنين العجاف = يحوفك الهم في هذا وفي ذاك حوف
ما اغنى الكثير الغني ولا الفقير الكفاف = يبقى الطمع طبع ما تنكف عنه الكفوف
والصاحب اللي تعدى ما التفت لي وطاف = كثير مثله تعدوا والنشاما وقوف
ماني بندمان من فرقاه مابي خلاف = الشين مابي على فرقاه لا اقفى حسوف
قريته من الغلاف المهتري لـ الغلاف = ياشين سيرته ماعنده بصيره يشوف
هذا الزمان اختلفنا فيه شر اختلاف = الطيّب اليوم بكره منه ياما نشوف
نساير الوقت غصب ولا لنا من مصاف = حتى ولو صنفونا الناس بادنى الصنوف
ماهمني حكم من لا شاهد الحق صاف = أعرف مكاني ولو وقفت خلف الصفوف[/poem]