[أحمد العدواني]

اقتباس: المشاركة الأصلية كتبت بواسطة العود الازرق      نمبر ون انت وباقي الشله يامن تدعون العدل وانتم بعيدون عن ذلك لماذا ذكرت الوطني ولم تذكر نادي ابها وحقه مثلما للوطني حق ياعزيزي00واين حق نادي الرائد يامن تدعون ان للوطني حق 00المشكله المغالطات دائما مستمره من جبايبنا بنو الاصفر ولاتزعلون يابنوالاصفر هاهو الاتي بطلب التاجيل وتمت الموافقه مباشره وياليتك تحدثت عن حقوق الوطني العام الماضي عندما قدمت مباراته غصبا عنه مع الاتي بالدوري كي يتم رفع الايقاف عن كريري والمولد ولستعدوا للزعيم00وليته زاد ايضا عندما تم حشر نهائي فيصل في وقت مهم من الدوري وفرق الاربع وعشرين ساعه كحياه او موت للهلال وكان لابد من التضحيه باحد البطولتين 00وكله عشان الاصفرين ولم يذكر اخينا عندما لعب الهلال بعد عودته من طشقند ب48ساعه مباراه مهمه مع فريقه المفضل ورفض طلبه بالتاجيل0000للاسف انهم ماخذين الهلال همهم الاول والاخير والموضوع هذا كشفهم وكشف كذبهم وعدالتهم المزعومه00التي لاتكون الا امام الهلال فقط ولاغير00000

الله يشفيك ولا يبتلينا !!

الظاهر اذا شفت اسمي تجيك حالة تشنج مستعصية تفقدك تركيزك البصري والذهني !!

كم مره نصحتك تقرأ المواضيع والردود قبل تنط تتفلسف ..

تقول اني ما ذكرت أبها وأنا ذاكر وسادح اسمه سدح في ردي الأخير اللي قبل ردك !!

الله يصلحك وكان

اما الرائد فاللي قريناه في الجرايد ( بحسب ما أذكر ) إنه ما احتج أو علق رؤوساءه على القرار زي ما احتج وعلق مسؤولو وجماهير الوطني والاتحاد وأبها اللي (( أنا )) ذكرتهم جميـــــــع

أما تأجيل مباراة الإتحاد فحصلت لهم ببركتكم وصارت قدام العين ما يقدرون يأجلون لكم وهم لا وعندهم لاعبين دوليين زيكم !!

أما لو كان الإتحاد هو من طلب التأجيل ولوحده فأتحدى لو لبوا طلبه وسبق قدم المسكين ورفضوه وأشرت للموضوع ..

أما مبارة فريقك اللي تقول انحشر فيها في يومين وتزعم إنه ضحى ببطولة ( حلوه ضحى ) فهذا صنع ايديكم يا حبيبي لأن المباراة ( وهي في الدوري ) أساساً مؤجلة وبطلب منكم ، وتبغاهم يأجلونها بعد ؟؟ ما صار دوري هذا دين في بقاله ..

يعني لازم تظلل وتدلس يا عود .. ليش ما تكون صادق وتعترف بالحق عشان ياجرك الله

أما سالفة مباراتكم معنا ورفض التأجيل فوحده بوحده والبادي أظلم .. والا نسيت ؟؟

والا بس تبغون الغير يتفضل ويتصدق عليكم بمنح وهبات أيام ونقاط واذا جا وقت الرد تطنشون او العكس صحيح ترفضون التعاون واذا انزنقتوا قلبتوا تشحذون واذا رفض طلبكم قلتم وين التنافس الرياضي !!!

ارحمونا عاد .. وتكلموا بعقل وضمير حي .. مللنا المجاغة والاستخفاف بالعقول في كل صغيرة وكبيرة !!

تحياتي







-