[اسد الليالي]

بسم الله الرحمن الرحيم

اضع هذه القصيدةة بين ايديكم علها تنال اعجابكم


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=sp num="0,#400000"]
فتيل الصبح عيا لا يشبه سرمدٍ ما غاب = مصير الصبح يدحم ظلمته في غفوة أهدابه
على صوت الرياح اشرع لأحلامي صدى الأبواب = واعود بقبضة الياس وبحزنٍ ثبت أطنابه
اسير دفة أيامي وأعيش وخاطري ما طاب = واحيك من السحابة جرهدِ ما طول غيابه
ضما حنجور الأفراح وغدتبه دمعته تنساب = هتف دمع الصبور بصمته يناجيبه أحبابه
ترى لولا الوفا ما نام غصنٍ يحتري حطاب = تكاتف جذعه تحاتي دموعه فاس حطابه
على وجه الزمان ارسم غريبٍ يبتسم لاغراب = يعيش وحظه يعيي مخاواته ويرضابه
عزاه انه إذا مات الحبر في قصته بكتاب = يلملم دمعه المقتول حتى يحيي كتابه
يعيش الصدق أكذوبه ويبحر في بحر كذاب = يلوم الحق عالغيبه وينشد عن سبب جابه
رجا في معمعة جرحه ثبات بفزعة الاصحاب = لقى اكثر رماح الغدر في ظهره من اصحابه!!!
صحيح ان الخطا يذبل اذا اورق من الاقراب = ولكن ماهي بزلة قريب ٍ ترجي صوابه
لي الله دام ما للذيب في عويه صدى مرقاب = عوى مواله المبحوح عبره تنبت ترابه
رماه الوقت في درب السنين المبهمه مرتاب = تشاغبه المصايب كل ما رفرف تثنى به
تضيق الواسعات بداخله ما رفة الاهداب = على رمش السهر تسري عيونه حلم يرقابه
سنينه ضيق في حسره على جروحٍ من الاحباب = حياته من أسى الماضي تغنيله وتغتابه
ياكاسر عبرته في وجه وقته والدموع هضاب = يا زارع ورد بين الشوك وش ترجي من الغابه
على وين الدروب تشيل والحالك بعد ما شاب = على وين القمر يهدي ودربك تاه باسبابه
الوٌن ماضي العمر السعيد بذكريات وخاب = على دفتر ربوع العمر حبرٍ ينزف سحابه
تغرد لي عصافير الورق ما بين ناب وناب = ولا القى في كتاب العمر حرفٍ يروي انيابه
طفح كيل الحليم اللي صرخ من طعنة الاجناب = هتك ستر الكلام وروح حرفه تشلع ابوابه
يفيض السد في صدر الخجول وتنبت الاعشاب = ولا يقدر يمرر حرف يخفي دونه اعشابه
فتيل الصبح اشعل ليلي الحالك عقب ما غاب = مصير الليل يطفي شعلته في نشوة اهدابه[/poem]