[الســرف]

[frame="7 80"]
قالوا تحبه..قلت ماهو بالحيل
بس انه اغلى شوي من نور عيني

يسوى جميع الجيل الاول وهالجيــــــل
أحبـــــــابي الماضــــين والمقــــبليني

شوقي له أعظم من ظما الأرض للسيل
وأشفق عليه أكثر من أم الجنيــــــني

واحتـــــاج له حاجة ثرى مصر للنيل
وعليـــــه أغار ولو من الوالديــــني

اشتاق له شوق المحبيــــــن للـــيل
وارتاح له راحة دموع الحـــــزيني

لا صار جنبي لو سنه وقتي بخيل
ولا غاب لو لحظات صارت سنيني

قالوا يحبك.. قلت هذا هو الويـــل
ما ودي أنشد ثم رفضه يجيــــني

وأهدم رجاي بدبرتي مثل ما قيــل
والأفضل أحيا بالأمل لو لحيــــني

يا حبكم يا ناس للقال والقيــــــل
والأمر لو هو سهل يصبح مهيني

خلوني أحيا في الوهم يا عواذيل
وش دخلكم والأمر بينه وبيني

الحرف للعذب : سعود بن بندر رحمه الله [/frame]