[صبي الحديب]

[align=center]بسم الله الرحمن الرحيم

اليوم جايب لكم بعض سوالف عائلة ابو فتوووووووو,اتمنى تنال إعجابكم[/align][align=center]ليا كم يوم ادخل البيت وفتو ماسكة في يدها ورقه وأمها ماشيه وراها وقاعدة تبربر بكلام غريب أول مره اسمعه000 واسمعها تقول00000 كرو يعني طبيخ0000 دواء يعني غسيل000 زارو يعني كنيس000استري يعني كوي0000 وقاعدين يتمشوا في البيت من البلكونة للسيب للمجلس الين جابولي الصداع من كتر اللف والدوران وهماعلى حالتهم دي سألت ام فتو



*ايش الهرجة يا هووه ليكي كم يوم انتي وبنتك بتلفوا في البيت زي المدوان وبترددوا كلام اول مره اسمعه باينك كده بتحضري دكتوراه في علم اللغات

00

لا ماجستير ولا دكتوراة00 يعني شغال في الجريده ومنت عارف ايش الهرجه

ايش الهرجه يا ستي *



الهرجه ياسيدي بتقول انهم فتحوا باب استقدام الشغالات من بنجلاديش

والكلام اللي كنت تسمعه هو كلام بنجلاديشي عشان لما تجيب الشغاله اعرف كيف اتفاهم معاها



*شغاله في عينك نحنا ما جبنا شغاله من اندونيسياولا حتى من سريلانكا اروح اجيب شغالة من بنجلاديش وبعدين الكلام اللي كان مكتوب في الجريده شكلك ما قريتيه للاخر

000ليه هو ايش كان مكتوب

* يقولك انه الشغاله البنجلاديشيه ما تعرف تستعمل المكنسة الكهربائيه ولا فرن البوتوجاز يعني بالعربي جيبوا شغالات بنجلاديشيات عشان تحرق بيوتكم وبعدين تعالي قوليلي هو نحنا ناقصين مصايب وجرايم كل يوم والتاني نقرا ونسمع عن هروب الشغالات حتى وصل الرقم اكتر من 7000 شغاله هاربه واللي بيسبب خساره كبيره لكفلائهم توصل ل 38000000مليون ريال في السنه هادا غير اختلاف

طبايعهم وحياتهم عن حياتنا لانه في بعض العوايل يتركوا اولادهم وبناتهم في رقبه هادولا الشغالات والله العالم ايش اللي بيتعلموه منهم

لا وفي بعض الشغالات لما يكتر عليها الشغل في البيت لسوء المعامله تلاقيها تسوي لاهل البيت العمايل من سحر وشعوذه لا وفي منهم كمان بيسوو علاقات غير شرعيه مع ناس من جنسيتهم و هادا اذا ماجابت العيد لما ترمي نفسها من بلكونه او طاقه عشان تنتحروتجي في الاخير تقوليلي شغاله خلينا كده مرتاحين بلا هم ووجع قلب



هرجه / ياريت يفتحوا باب استقدام الشغالات من بريطانيا وامريكا على الاقل يتعلموا اولادنا وبناتنا اللغة الانجليزيه طالما مدارسنا ما فيها تعليم لغة انجليزية الا لمن يوصلوا للمرحلة المتوسطه[/align]

[align=center] منقووووووووووووول[/align]