[*** الصهيبي ***]

[poem=font="Simplified Arabic,6,#8E0804,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / بن سعدي=
*=
يارفيقي مايـجـف العرف والا يُدفن القـصيد=
رغم عـسر الدرب لكني وردت العد في منهاله=
وارتويت انا من العد الزلال وصـافي العيون=
كل يوم ارمي رشا دلوي ويظهر بالدلو فيض الما=
واللذي حبله قصير (ن) يمتلي دلوه بفيض ماه=
وقطعت الدرب مع رفقة رجال تشترى بالغالي=
طول ذاك الوقت مايعـثر قدم حتى نسـاعده=
واقبلونا قوم تربع في خـطاويها وتـبغي مجدا=
ماتحـسب عثرة(ن) بالرجل تعـطب كل ناقله=
يوم مديـنا يمـين العون نرجوا رفعهم ونجاهم=
قابلونا باليــسار الـغادره تـظـهر شـرارها=
صدرو الاحكام هذا يستعي في مشيه وذا يخطي=
كيف وانتم يارفاقه دوبكم فوق الثرى تحبون=
قالت اليمنى ترفع عن غـشاما ترتـخي مدتها=
يايميني لا تخافين العـطب وانتي بـجانـبي=
*=
الرد / بن سعدي=
*=
قال ابو نواف جيب العـلم ياللي يدفن الـقصـيد=
كان بشرى خير والا شر ما تـنـفع فهي منها له=
ماضمره القلب يظهر بالـلسان وصافي العـيون=
والكفو لو مد كفه مابـيخطي المد لو في ضلما=
يرتوي من مد كفه والغـشيم رداه في ضـماه=
الضما يشوي وجوه القوم ويشب الكبد بالغالي=
والرجل لا ما نـزع دلوه يـشل الوهن ساعده=
لو بنسدي النصـح الى قوم(ن ) تـكن الـشر وتبغي ما اجدى=
لو يجينا الحق من صـادق لـقلنا كـلنا قلـه=
ما نرد الخير دون الناس لن حّول لهم وان جاهم=
والقلوب القاسيه في نبـضها يظـهر شرارها=
وانا ماودي بربعي ذا يصوُب رميه وذا يخطي=
كلهم تحت السما! بانعامهم فوق الثرى يحبون=
عهد مني يالـصداقه ما تجف وتنـتهي مدتها=
عهد له مقدار يوم الوجه ما يـعدل بـجانبي=[/poem]

الله اكــبــر الله اكــبــر

صح لسانك يامطلق صح لسانك ياكفو صح لسانك يارجل صح لسانك ياشاعر

والله ثم والله لأشبعتني شعراً بهذه الماتعه

ويشهد الله انك شاعر يابن سعدي وانك مثل يحتذا فالشعر والأخلاق والرجوله

اصبت الهدف ورميت في مقتل

ومن يتعالى على الناس بمالايستوجب التعالى خسر وخاب

صح لسانك وانت شاعر نشهد لك وتشهد لك قصايدك

وتشهد لك هذه المعلّقه

دمت في رعاية الله

أخوك

الصهيبي

تثبيت