[نفس تائهة]

يطـيـح جـفـن اللـيـل واهـــز كـتـفـه نـجـم يـشـع وبـاقـي اللـيـل مـطـفـي
واحاكي الجدران عن وصف غرفه ماتشبـه الجـدران ويطـول وصـفـي
وتملنـي الجـدران واظـهـر لشـرفـه تحـت السمـا واسكـر البـاب خلـفـي
ريـح تهـب وتسكـن العـظـم رجـفـه وتموت ريـح وتسكـن اوراق نزفـي
على الروابـي تهطـل دمـوع وطفـه وتصب لمـع بروقهـا وسـط طرفـي
ياطـاري الغـدران والعـمـر رشـفـه مــع قـلـهـا ياليـتـهـا يـــوم تـصـفـى
الحـب واجـد مـيـر الاقــدار صلـفـه والأرض واجـد لكـن الحـلـم منـفـى
واللـي اعرفـه راح مـاعـاد اعـرفـه ولاظـن يذكرنـي الـى أقبلـت مقـفـى
ماهـو حبيبـي مــورد القـلـب حتـفـه ولا هو حبيبي يفرح بوقـت ضعفـي
مــر ثـمـر هالـلـيـل وأمـــر قـطـفـه يالحنظـل اللـي قمـت اذوقــه بكـفـي
متى الشـوارع تجمـع اثنيـن صدفـه لا صــار شـبـاك المواعـيـد مجـفـي
يابـنـت تــو اللـيـل مــاراح نـصـفـه وياليل بعض اللي مضى منك يكفي

اثر علي فارس لاتلونوني